«جاقسىنىڭ اتى، عالىمنىڭ حاتى ولمەيدى» دەيدى ءبىزدىڭ دانا حالقىمىز. ۇستىمىزدەگى جىلدىڭ 8ء-شى اقپانى كۇنى ەلوردامىز-استانا قالاسىنا قارايتىن «ينتەرناسيونالنىي» ەلدى-مەكەنىندە اۋىل ارداگەرلەرى ءساتتى كارىم ۇلى مەن رايحان كارىمكەلىنىنىڭ شاڭىراعىندا جۇرەك تەبىرەنتەرلىك قۋانىشتى وقيعا ءوتتى. مىناۋ جارىق دۇنيەگە وسى جىلدىڭ 28 قاڭتارىندا كەلگەن نەمەرەلەرىنە «ەرسايىن مانايەۆ» اتىنداعى مەشىتتىڭ باس يمامى يبراحيم سماتايەۆ ازان شاقىرىپ، سەنىڭ اتىڭ سادىبەك دەپ جەتى مارتە قايتالاپ ات قويدى. سول ساتتە، كىشكەنتاي سادىبەكتى حالقىمىزدىڭ ۇلكەن ازاماتتارىمىزدىڭ ءبىرى سادىبەك تۇگەل اعا كوتەرىپ تۇردى. ءبىز وسى ادەمى ءراسىمدى كوزىمىزبەن كورىپ، كۋا بولدىق. مەرەكەگە حالىق كوپ جينالدى. ءبىز، ءوز تاراپىمىزدىن ولاردان العان اسەرلەرىمەن ءبولىسۋدى سۇرادىق: «داۋلەت ءساتتى ۇلى كىشكەنتاي سادىبەكتىڭ اكەسى: -«سادىبەك مەنىڭ ەكىنشى ۇلىم. ۇلكەنىمنىڭ اتى –سۇلتانبەك. ول تۋرا 2-جاستا. مەن ءۇشىن سادىبەك قاسيەتتى ەسىم.ۇلت قايراتكەرى سادىبەك اعا تۇگەل ناقتى ءىستىڭ ادامى. سادىبەك اعا باسقالارمەن سالىستىرعاندا، ايتقان ۋادەسىن قايتسە دە ورىندايتىن،ءسوزى مەن ءىسى ءبىر جەردەن شىعاتىن ازامات. سول ءۇشىن ونى قۇرمەت تۇتامىن. قۇلاگەر ەسكەرتكىشى سونىڭ ناعىز دالەلى ەمەس پە. وسى جەردەن وتكەن سايىن ءبىر توقتاپ وتەم.اعانىڭ جىگىتتىك مارتتىگىنە ءتانتىمىن. سوندىقتان دا، ىرىمداپ بالاما اعانىڭ اتىن قويىپ وتىرمىن».
اتاسى ءساتتى كارىم ۇلى: -«ءبىزدىڭ ءۇيدىڭ جانىندا «قۇلاگەر» ات سپورتىنىڭ كلۋبى بار. قولىم بوساعاندا نەمەرەلەرىمدى سوندا اپارامىن. اتقا مىنگىزىپ، سەرۋەندەتەمىن. ساكەڭ وسى كلۋبتىڭ ۇيىمداستىرۋشىلارىنىڭ ءبىرى. ونىڭ نەبىر ۇلكەندى-كىشى جارىستارعا بىلىكتى باسشىلىق جاساعانىن كورىپ ءجۇرمىن. جۇرەگى ەلىم جەرىم دەپ سوعادى.جالپى ءبىز قۇلاگەر دەسەك ءۇش تۇلعانى ەرەكشە ايتامىز. ولار: اقان سەرى، ءىلياس جانسۇگىروۆ جانە سادىبەك تۇگەل. ول كىسىنىڭ اتقارعان سان-الۋان جوبالارى ەلگە ونەگە، ۇرپاققا ۇلگى. نەسىن ايتاسىز، اتاسى رەتىندە سادىبەك ەسىمىن قۋانا قابىلدادىم.نەمەرەمنىڭ ساكەڭدەي ەلگە تانىمال، قايراتكەر-ازامات بولعانىن قالايمىن».
ق ر ەڭبەك سىڭىرگەن قايراتكەرى، جازۋشى، قوعام قايراتكەرى سادىبەك تۇگەل:-«قۋانىشىمدى جاسىرا الماي،ۇلكەن اسەردە، تولقىپ تۇرمىن. بۇل سەنىم ماعان ۇلكەن جاۋاپكەرشىلىك جۇكتەيدى.60-جىلدىق مەرەي تويىمنىڭ الدىندا ەرەكشە سىي بولدى. كىشكەنە، ءسابي سادىبەكتىڭ جولى اشىق بولسىن دەيمىن!».
ۇلكەن ب ا ق، ۇلاعاتتى جۇمىستاردى ءوزى باستاپ،تولىعىمەن ورىنداپ شىعاتىن تۇلعا ازاماتتارعا عانا بۇيىرادى. وسى جەردە سادىبەك اعانىڭ تۋعان ۇلتىنا ارنالعان ەڭبەكتەرىنىڭ ناتيجەسىندە، حالقىمىزدىڭ ماڭدايى جارقىراعان اسىلدارىنىڭ ءبىرى بولعانىنا كوزىم جەتتى.
نۇرلان ساعىناي، استانا قالاسى
