كەڭەس اياسىندا «100 ناقتى قادام» ۇلت جوسپارىنىڭ 68 قادامىن ورىنداۋ، ۇشۋلاردىڭ قاۋىپسىزدىگىن جانە وتاندىق كادرلار دايارلاۋ ساپاسىن ودان ءارى ارتتىرۋ شەڭبەرىندە قازاقستان ارقىلى ءاۆياترانزيتتىڭ تارتىمدىلىعىن ارتتىرۋ ءۇشىن اۋە تاسىمالدارىن مەملەكەتتىك رەتتەۋ تيىمدىلىگىن جاقسارتۋ ماسەلەلەرى قارالدى.
جالپى ازاماتتىق اۆياسيا سالاسى دامۋىنىڭ اعىمداعى جاي-كۇيى تۋرالى ق ر ينۆەستيسيالار جانە دامۋ ءمينيسترى ج. قاسىمبەك باياندادى.
ق ر يدم مالىمەتتەرىنە سايكەس جولاۋشىلار اعىمىنىڭ ءوسۋ قارقىنى 2017 جىلعا 23% قۇرادى. يكاو تالاپتارىنا سايكەستىلىك دەڭگەيى بويىنشا قازاقستان تمد ەلدەرى اراسىندا ەكىنشى ورىندا.
ينفراقۇرىلىمدىق دامۋ تۇرعىسىنان 15 ۇشۋ-قونۋ جولاقتارى مەن 11 تەرمينالدى جوندەۋ جۇمىستارى اياقتالدى.
كەڭەس بارىسىندا سونداي-اق ەنەرگەتيكا ءمينيسترى ق. بوزىمبايەۆ، «استانا» حالىقارالىق قارجى ورتالىعىنىڭ باسقارۋشىسى ق. كەلىمبەتوۆ، «ەير استانا» اق جوسپارلاۋ بويىنشا اتقارۋشى ديرەكتورى ا. ءالعوجينا،«SCAT» اۋە كومپانياسى» اق پرەزيدەنتى ۆ. دەنيسوۆ، «Qazaq Air» اق باسقارما ءتوراعاسى ا. بلەر، «بەك ەير» اق باس ديرەكتورى س. ومارجانوۆ جانە باسقالارى ءسوز سويلەدى.
تالقىلاۋ قورىتىندىسى بويىنشا باقىتجان ساعىنتايەۆ ق ر ينۆەستيسيالار جانە دامۋ مينيسترلىگىنە مۇددەلى مەملەكەتتىك ورگاندارمەن جانە ۇلتتىق كومپانيالارمەن بىرگە جۇمىس توبىن قالىپتاستىرۋ مەن ءىرى جانە شاعىن اۆياسيانى دامىتۋدىڭ كەشەندى باعدارلامالارىن ازىرلەۋدى تاپسىردى.
