مانەرلەپ سىرعاناۋدان قازاقستاندىق سپورتشىلار ەليزابەت تۇرسىنبايەۆا مەن ايزا مامبەكوۆا پحەنچحان وليمپياداسىندا قىسقا باعدارلامالارىن ورىندادى. تۇرسىنبايەۆا نەگىزگى باعدارلاماعا ءوتتى. ال مامبەكوۆا جارىستى اياقتادى.

قازاقستاندىق ەليزابەت تۇرسىنبايەۆا قىسقا باعدارلامادا 57،95 ۇپاي جيناپ، ءقازىر 15-ورىندا تۇر. ول نەگىزگى باعدارلامادا ونەر كورسەتەدى. 

قىسقا باعدارلامادا تۇرسىنبايەۆا ۇشتىك ريتتبەرگەر ەلەمەنتىن سەكىرە المادى. ال قالعان ۇشتىك سالحوۆ+ۇشتىك تۋلۋپ ەلەمەنتىن جانە ەكىلىك اكسەلدى تازا سەكىردى. 21 اقپان 2018 جىل.

جارىستان كەيىن تۇرسىنبايەۆا "ءبىرىنشى ەلەمەنتتى سەكىرمەدىم، سوندىقتان ۇپاي دا تومەن بولدى. ەكى ەلەمەنتتى جاقسى سەكىردىم. جوعارى ناتيجە كورسەتۋگە بولار ەدى. دەگەنمەن وليمپياداعا قاتىسقانىما قۋانىشتىمىن. شات جاراقاتىنا بايلانىستى قاتىسا الماي قالۋىم دا مۇمكىن ەدى" دەدى. 21 اقپان 2018 جىل.

ەليزابەت تۇرسىنبايەۆا قىسقا باعدارلاماسىن اياقتاعان ءسات. 21 اقپان 2018 جىل.

ەليزابەت تۇرسىنبايەۆا باپكەرى كانادالىق برايان ورسەر جانە اناسى پاديشاحان سۇلتاناالييەۆامەن تورەشىلەر باعاسىن كۇتىپ وتىر. 21 اقپان 2018 جىل. 

قازاقستاندىق ايزا مامبەكوۆا مانەرلەپ سىرعاناۋدان ايەلدەر اراسىنداعى جەكەلەي سىندا 30-ورىن الدى. ول قىسقا باعدارلامادا 44،40 ۇپاي جيناپ، نەگىزگى باعدارلاماعا وتكەن 24 سپورتشىنىڭ قاتارىنا ەنبەي قالدى. 21 اقپان 2018 جىل. 

ايزا مامبەكوۆا وليمپياداعا سانكت-پەتەربۋرگتە رەسەيلىك باپكەر الەكسەي ءميشيننىڭ كومانداسىندا دايىندالعانىن ايتادى. ميشين رەسەيدەن شىققان وليمپيادا چەمپيوندارى الەكسەي ياگۋدين مەن ەۆگەنيي پليۋششەنكونى جاتتىقتىرعان. 

ايزا مامبەكوۆا ءۇشىن العاشقى وليمپياداسى اياقتالدى. ول 2022 جىلى وتەتىن پەكين وليمپياداسىنا قاتىسقىسى كەلەدى. 

ايزانىڭ قازاقستانداعى باپكەرى قۇرالاي ۋزۋروۆا شاكىرتىنىڭ قۇلاماي سىرعاناپ شىققانىنا قۋاندى. 21 اقپان 2018 جىل. 

رەسەي وليمپيادالىق اتلەتتەرى كومانداسىنىڭ مۇشەسى الينا زاگيتوۆا قىسقا باعدارلامادا 82،92 ۇپاي جيناپ، الەم رەكوردىن جاڭارتتى. ول ءبىرىنشى ورىندا كەلەدى. 21 اقپان 2018 جىل.

2017 جىلعى الەم چەمپيونى رەسەي وليمپيادالىق اتلەتتەر كومانداسىنىڭ مۇشەسى ەۆگەنيا مەدۆەدوۆا 81،61 ۇپايمەن ەكىنشى ورىندا كەلەدى. بۇرىنعى الەم رەكوردى وسى مەدۆەدوۆاعا تيەسىلى ەدى. 21 اقپان 2018 جىل. 

دەرەككوز: ازاتتىق راديوسى