وتكەن جولى تانىمال ءانشى اكتەرلەردىڭ اراسىندا جۇبايىن، وتباسىن جاسىراتىندار جايلى اڭگىمە قوزعاعان بولاتىنبىز. سايتىمىزعا كەلىپ تۇسكەن وقىرماندار پىكىرىنە جۇگىنسەك، "جۇمباق جۇبايلاردىڭ" قۇپياسى كوپشىلىك ويلاعاننان دا كوپ سياقتى.

مىنە، وسى پىكىرلەردى ەسكەرە وتىرىپ، قازاقستان ساحناسىنداعى جاسقا قارامايتىن ماحاببات يەلەرىن تۇگەندەپ كورگەن ەدىك.

تانىمال ءانشى ديلناز احمادييەۆا تۇرمىسقا شىققاننان باستاپ جارىنىڭ كىم ەكەنىن جاسىرۋمەن اۋرە بولدى. ءتىپتى توي سۋرەتتەرىندە ەشكىمگە جاريالاتپادى. ديلنازدىڭ جۇرەگىن كىم جاۋلادى ەكەن دەگەن سىرت كوزدىڭ سۇراعى باسىلا بەرگەندە، ءانشى كۇيەۋىنىڭ سۋرەتىن الەۋمەتتىك جەلىدەگى پاراقشاسىنا سالعان ەدى.

ءبىراق سۋرەت سوڭىندا قالدىرىلعان پىكىرلەرگە قاراعاندا ديلنازدىڭ جارى وزىنەن 8-10 جاس كىشى دەگەن پىكىرلەر كوپ ايتىلعان. ءبىراق، ءانشى وسى پىكىرلەردى راستاعان جوق. ارينە، جوققا دا شىعارماعان.

گۇلنۇر ورازىمبەتوۆا وزىنەن 21 جاس ۇلكەن مەملەكەتتىك قىزمەتكەرگە تۇرمىسقا شىققان. بۇگىندە ەكى بالا تاربيەلەپ وتىر.

"ماحاببات ەشتەڭەگە قارامايدى. ءبىزدىڭ ارامىزداعى تۇسىنىستىكتى تازا سەزىم دەپ ايتا الار ەدىم. وتباسىن قۇرۋ ءۇشىن نەمەسە بىرەۋدى ءسۇيۋ ءۇشىن ەشقانداي قاعيدانىڭ قاجەتى جوق دەپ ويلايمىن. ول كىسى سپورتپەن تۇراقتى اينالىسادى. كەيدە ءتىپتى قيمىل-قوزعالىسى مەننەن شيراق"، - دەگەن ەدى ءانشى ومىرلىك جارى جايلى.

تانىمال ءانشى مادينا ءسادۋاقاسوۆانىڭ كۇيەۋى ولجاس وزىنەن 7 جاس كىشى. ءانشى جارى ەكەۋىنىڭ اراسىنداعى جاس شاماسىن باسىنان باستاپ جاسىرعان دا ەمەس.

قايتا "ماحاببات جاسقا قارامايدى دەگەن وسى شىعار. ولجاستىڭ جاسى مەننەن كىشكەنتاي بولعانىمەن كورگەنى كوپ. كەيدە ماعان اقىل ايتىپ وتىرادى. ەندى ارامىزدا بالامىز بار. نارەستەنىڭ تاربيەسىنە كوپ كوڭىل ءبولىپ جاتىرمىز. جاسىمىزعا قاتىستى قازىرگە تۇسىنىسپەستىك بولعان ەمەس" دەگەن.

مادينا بۇگىندە ولجاس ەسىمدى جارىمەن بىرگە باقىتتى ءومىر ءسۇرىپ جاتقانىن دا ايتتى.

تانىمال ازىلكەش ءداۋىت شايحىسلاموۆتىڭ جارى بەلگىلى جۋرناليست ءارى پروديۋسەر دانا ورمانبايەۆا. ولدا ءوزىنىڭ كۇيەۋىنەن ءبىرشاما ۇلكەن.

بۇل جۇپتىڭ وتاسقانىنا دا ءبىراز ۋاقىت بولىپ قالدى. ولاردىڭ بالالارى دا ءقازىر ءوسىپ قالعان.

بەلگىلى اكتەر ءاسانالى ءاشىموۆتىڭ جارى وزىنەن الدە قايدا جاس بولسا دا ەكەۋى باقىتتى. بۇل جۇپتىڭ ءاسانالى ءاسانالى ەسىمدى ۇلدارى بار.

رۇستەم نۇرجىگىتتىڭ دە جارى وزىنەن ۇلكەن. ول "جاس ارالىقتا تۇرعان ەشتەڭە جوق دەپ ويلايمىن. باستىسى تۇسىنىستىكتە. ءقازىر  بالامىز ءوسىپ كەلەجاتىر. ءبىزدىڭ ارامىزدا وسى جاسىمىزعا قاتىستى ماسەلە بولادى دەپ ويلامايمىن" دەگەن بولاتىن. دەسە دە ءانشى جارىنىڭ ناقتى كىم، قانشا جاسقا وزىنەن ۇلكەن ەكەنىن ايتۋدان باس تارتادى.

ءانشى بايان نۇرمىشيەۆانىڭ جارى جايلى دا الەۋمەتتىك جەلى قولدانۋشىلار ءتۇرلى پىكىر تاراتتى. بۇرىندارى حالىق بۇل ءانشىنى وزىنەن الدە قايدا ۇلكەن كىسىگە تۇرمىسقا شىقتى دەيتىن. ءقازىر قايتا جاس جىگىتپەن باس قوستى دەيتىن بولىپتى.

ول ەرلان ورىنباساروۆ دەيتىندەردىڭ قاتارى كوپ. ال ءانشى قىز جىگىتتى پروديۋسەرىم دەگەندى العا تارتادى. باياننىڭ ءوزى پروديۋسەرىمەن تەك جۇمىس بويىنشا عانا قارىم-قاتىناسى بارىن ايتىپ ءجۇر. ءبىراق باياننىڭ جارى جايلى ايتۋىنا وسى كىسى تىيىم سالىپتى مىس.

ءانشى قۇرماش ماحانوۆ تا جۇبايلار اراسىنداعى جاس شاماسىنا قاتىستى سويلەسكىسى كەلمەيتىندەردىڭ ءبىرى. بۇل تاقىرىپقا وراي ول جۋرناليستەرگە بەرگەن سۇقباتىندا "وسى سۇراق مەنىڭ بولنوي تەمام" دەپ قىسقا قايىرعان ەدى.

ال بەلگىلى تەلەجۇرگىزۋشى، جۋرناليست مارجان سۇلتانبايەۆانىڭ دا جارىنىڭ كىم ەكەنىن بىلگىسى كەلەتىندەر كوپ ەكەن. مارجان تۇرمىسقا شىققالى وتباسىلىق ءومىر مەن كۇيەۋ تاربيەسى جايلى جەكە پاراقشاسىندا ءجيى ايتىپ ءجۇر.

سول اقىل كەڭەسى ءۇشىن ءبىراز حالىقتىڭ سىنىنا ۇشىرادى دەسەك تە بولادى. ءوز كەزەگىندە وقىرماندار مارجاندى "وزىنەن ەرەسەكتەۋ ءدىندار كىسىنىڭ ءۇشىنشى نەمەسە ءتورتىنشى توقالى" دەپ كوپ جازدى.

ال تەلەجۇرگىزۋشىنىڭ ءوزى قازىرگە حالىق سۇراعىنا ناقتى جاۋاپ بەرۋدەن باس تارتىپ وتىر.

تەك الەۋمەتتىك جەلىلەردىڭ بىرىندە "وسىراق شالى" بار ەكەنىن ايتىپ قالعان ەدى. جاقىندا عانا ەكىنشى رەت وتاۋ كوتەرگەن ەركىن نۇرجاننىڭ جارى وزىنەن 14 جاسقا كىشى.

بۇل جۇپ تا جاقىندا عانا بالالى بولعان ەدى. ءبىراق ءانشىنىڭ ءوزى وتباسى جايلى اشىق ءارى بارلىق سۇراققا جاۋاپ بەرۋدەن كوپ قاشقاقتايدى.