التاي ايماعىنداعى تەرگەۋشىلەر 14-15 جاستاعى  ءوز قۇرداستارىنىڭ سوققىسىنا قالعان مەكتەپ وقۋشىسىنىڭ ءىسىن تەكسەرىپ جاتىر. بولعان وقيعانى باسقا وقۋشىلار تەلەفونعا تۇسىرگەن. ارتىنشا ۆيدەو الەۋمەتتىك جەلىگە جۇكتەلىپ، تاراپ كەتكەن. بۇل ىسپەن اتالعان ايماقتىڭ ىزدەستىرۋ كوميتەتى اينالىسىپ جاتىر، دەپ جازادى ريا نوۆوستي.

«الەۋمەتتىك جەلىدەگى توپتاردا كامەلەت جاسقا تولماعان قىزدىڭ سوققىنىڭ استىندا قالعان ۆيدەوسى تارادى. بۇل وقيعا رەسەيدىڭ بارناۋىل قالاسىندا بولعان. ءبىر توپ مەكتەپ وقۋشىسى ءبىر قىزدى تاياقتىڭ استىنا العان»، — دەلىنگەن حابارلامادا.

اتالعان ايعاقتار بويىنشا تەرگەۋ ءىسى باستالدى.

Altapress.ru سايتىنىڭ مالىمەتىنشە، ۆيدەوعا اسفالتتە جاتقان قىزدىڭ بەتىن  وزىمەن قۇرداس ەكى قىز تەۋىپ جاتقانى تۇسىرىلگەن.

انىقتالعانداي،  شابۋىل جاساعان قىزدار وقيعا بارىسىندا ماس بولعان.