سۇلۋلىعىمەن ءدۇيىم جۇرتتى تاڭداندىرعان قازاقستاندىق ۆولەيبولشى سابينا التىنبەكوۆا شۆەيساريالىق «Ernest Borel» ساعاتىنىڭ جارناماسىنا ءتۇستى. مۇنى قىتايدىڭ on.cc cايتى جاريالاعان فوتوسۋرەتتەردەن بايقاۋعا بولادى.
قىتايلىق اقپارات قۇرالىنىڭ حابارلاۋىنشا، «Ernest Borel» ساعاتىنىڭ قۇنى شامامەن 10 مىڭ اقش دوللارىن قۇرايدى ەكەن. «اۋليە ۆالەنتين كۇنى» قارساڭىندا «اسپان استى ەلىنىڭ» ءىرى ساۋدا ورىندارىنا اتالعان ساعاتتىڭ 999 داناسى اكەلىنىپ، ارنايى ساتىلعان. ال سابينا التىنبەكوۆا بۇل جارنامانىڭ سۋرەتىنە قاڭتار ايىندا تۇسسە كەرەك-تى. ويتكەنى، سپورتشى «instagram» جەلىسىندەگى جەكە پاراقشاسىنا جارناماداعى سۋرەتىنىڭ ءبىرىن جۇكتەپ، «ەسكى فوتو» دەپ جاريالاپتى.
