دارحان كالەتايەۆ ءدىن ىستەرى جانە ازاماتتىق قوعام ءمينيسترى بولىپ تاعايىندالدى، دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.

«دارحان امان ۇلى كالەتايەۆ قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى بولىپ تاعايىندالسىن»، - دەلىنگەن حابارلامادا.

كالەتايەۆ دارحان امان ۇلى1972 جىلدىڭ 14 قازانىندا شىعىس قازاقستان وبلىسىندا دۇنيەگە كەلگەن. 

س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى مەن ق ر پرەزيدەنتى جانىنداعى مەملەكەتتىك باسقارۋ ۇلتتىق جوعارى مەكتەبىن بىتىرگەن.

ساياساتتانۋ عىلىمدارىنىڭ دوكتورى. «نۇر وتان» حالىقتىق-دەموكراتيالىق پارتياسىنىڭ مۇشەسى. «نۇر وتان» حالىقتىق-دەموكراتيالىق پارتياسى ساياسي كەڭەسىنىڭ مۇشەسى.

 1995-1997 جىلدارى ق ر مينيسترلەر كابينەتى جانىنداعى تىلدەر كوميتەتىنىڭ جەتەكشى مامانى، قازاقستان رەسپۋبليكاسىنىڭ ۇلتتىق ساياسات جونىندە مەملەكەتتىك كوميتەتتىڭ باس مامانى، قازاقستان رەسپۋبليكاسى ءبىلىم جانە مادەنيەت مينيسترلىگى ءتىل ساياساتىن ۇيلەستىرۋ دەپارتامەنتىنىڭ باسقارما باسشىسىنىڭ ورىنباسارى قىزمەتىن اتقاردى.

2002 جىلدىڭ قاراشاسىنان باستاپ ىشكى ساياسات ءبولىمىنىڭ جەتەكشىسى.

2003 جىلدىڭ شىلدەسىنەن باستاپ پرەزيدەنت اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى.

2004 جىلدىڭ ساۋىرىنەن باستاپ ق ر پرەزيدەنت اكىمشىلىگىنىڭ الەۋمەتتىك-ساياسي ءبولىمىنىڭ مەڭگەرۋشىسى.

2006 جىلدىڭ ساۋىرىنەن باستاپ 2007 جىلدىڭ قاڭتارىنا دەيىن ق ر پرەزيدەنت اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىستارى ءبولىمىنىڭ مەڭگەرۋشىسى بولدى.

2007 جىلدىڭ قاڭتارىندا ق ر پرەزيدەنت اكىمشىلىگى جەتەكشىسىنىڭ ورىنباسارى بولىپ تاعايىندالدى.

2008 جىلدىڭ قازانىندا «نۇر وتان» حدپ ءتوراعاسىنىڭ ءبىرىنشى ورىنباسارى بولىپ تاعايىندالدى، ق ر پرەزيدەنتىنىڭ شتاتتان تىس كەڭەسشىسى بولدى.

2009 جىلدىڭ قاراشاسىنان باستاپ «سامۇرىق-قازىنا» ۇلتتىق ءال-اۋقات قورى» اق باسقارما ديرەكتورى قىزمەتىن اتقاردى.

2013 جىلى «سامۇرىق-قازىنا» ۇلتتىق ءال-اۋقات قورى» اق قوعاممەن بايلانىس بويىنشا باس ديرەكتور بولدى.

2016 جىلدان باستاپ ۇكىمەت جانە بايلانىسپەن ءوزارا قارىم-قاتىناس بويىنشا باسقارما ديرەكتورى. «استانا» پرەزيدەنتتىك كاسىپقوي سپورت كلۋبىنىڭ قامقورشىلىق كەڭەسىنىڭ ءتوراعاسى بولعان. قفف اتقارۋشى كوميتەتىنىڭ مۇشەسى.

2015 جىلدىڭ قاڭتارىنان باستاپ قازاقستان ۆەلوسپورت فەدەراسياسىنىڭ پرەزيدەنتى.