نۇرلان ەرمەكبايەۆ پرەزيدەنت كومەكشىسى - قاۋىپسىزدىك كەڭەسىنىڭ حاتشىسى بولىپ تاعايىندالدى، - دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
"نۇرلان بايۇزاق ۇلى ەرمەكبايەۆ قازاقستان رەسپۋبليكاسى پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى بولىپ تاعايىندالسىن، ول قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى قىزمەتىنەن بوساتىلسىن"، - دەلىنگەن حابارلامادا. –
نۇرلان ەرمەكبايەۆ 1963 جىلى تۋعان. 1986 جىلى كسرو قورعانىس مينيسترلىگىنىڭ ماسكەۋدەگى اسكەري قىزىل تۋ ينستيتۋتىنىڭ شىعىس تىلدەرى فاكۋلتەتىن ءتامامداعان. 1996 جىلى قازاق مەملەكەتتىك ساۋلەت-قۇرىلىس اكادەمياسىنىڭ ەكونوميكا فاكۋلتەتىن بىتىرگەن. ورىس، جۇڭگو، اعىلشىن جانە پورتۋگال تىلدەرىن مەڭگەرگەن. ساياسي عىلىمدار كانديداتى.
1984 جىلدان باستاپ 1985 جىلعا دەيىن - انگولا حالىق رەسپۋبليكاسىندا قىزمەتتىك ءىسساپاردا بولدى. 1986 جىلدان باستاپ 1996 جىلعا دەيىن - كسرو قارۋلى كۇشتەرى باس شتابى جۇيەسىندەگى بولىمدەردە قىزمەت ەتتى. 1990 جىلدارى كسرو قك قاتارىنان بوساتىلعان سوڭ سىرتقى ەكونوميكالىق كومپانيالاردى باسقارعان. 1993 جىلدان باستاپ 1995 جىلعا دەيىن - قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى ساۋدا وكىلدىگىنىڭ اعا ساراپشىسى. 1996 جىلدان باستاپ 1997 جىلعا دەيىن - الماتى ساۋدا-قارجى بانكى باسقارما ءتوراعاسىنىڭ كەڭەسشىسى. 1999 جىلدان باستاپ 2001 جىلعا دەيىن - "قازاقستاننىڭ حالىق بانكى" ااق-نىڭ جۇڭگو حالىق رەسپۋبليكاسىنداعى وكىلدىگىنىڭ باسشىسى.
2001 جىلدان باستاپ 2003 جىلعا دەيىن - قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى ەلشىلىگىنىڭ كەڭەسشىسى. 2003 جىلدان باستاپ 2004 جىلعا دەيىن - قازاقستان رەسپۋبليكاسىنىڭ سينگاپۋرداعى ۋاقىتشا سەنىمدى وكىلى (ديپميسسيا باسشىسى). 2004 جىلدان باستاپ 2006 جىلعا دەيىن - قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى. 2006 جىلدان باستاپ 2007 جىلعا دەيىن - قازاقستان رەسپۋبليكاسى پرەزيدەنتىنىڭ كەڭەسشىسى - قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى. 2007 جىلدان باستاپ 2010 جىلعا دەيىن - قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى. 2010 جىلدان باستاپ 2012 جىلعا دەيىن - قازاقستان رەسپۋبليكاسى پرەزيدەنتىنىڭ كومەكشىسى.
2012 جىلدان باستاپ 2014 جىلعا دەيىن - قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى توتەنشە جانە وكىلەتتى ەلشىسى. 2012 جىلدان باستاپ 2013 جىلعا دەيىن - قازاقستان رەسپۋبليكاسىنىڭ ۆەتنام سوسياليستىك رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى. 2012 جىلدان باستاپ 2014 جىلعا دەيىن - قازاقستان رەسپۋبليكاسىنىڭ كورەيا حالىقتىق دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى. 2014 جىلدان باستاپ 2016 جىلعا دەيىن - پرەزيدەنتتىڭ كومەكشىسى - قازاقستان رەسپۋبليكاسى قاۋىپسىزدىك كەڭەسىنىڭ حاتشىسى. 2016 جىلدىڭ قىركۇيەگىندە مەملەكەت باسشىسىنىڭ جارلىعىمەن قازاقستان رەسپۋبليكاسى ءدىن ىستەرى جانە ازاماتتىق قوعام ءمينيسترى بولىپ تاعايىندالعان ەدى.
"پاراسات" (2015)، "قۇرمەت" (2005) وردەندەرىمەن، "وڭتۇستىك قازاقستان وبلىسىنىڭ يگىلىگىنە ەڭبەگى ءۇشىن"، "جەرگىلىكتى جانجالدارعا قاتىسۋشىعا. انگولا" مەدالدارىمەن، باسقا دا ءبىرقاتار مەرەيتويلىق مەدالدارمەن، "پرەزيدەنتتىڭ العىسى"، "قازاقستان تەمىر جولىنا 110 جىل" توسبەلگىلەرىمەن ماراپاتتالعان. ديپلوماتيالىق رانگى - توتەنشە جانە وكىلەتتى ەلشى. ۇيلەنگەن، ەكى بالاسى بار.
