5 مامىرعا لاس-ۆەگاستا جوسپارلانعان گولوۆكين مەن الۆاەرستىڭ جەكپە-جەگى مەكسيكالىق تاراپتىڭ باستاماسىمەن وتپەيتىن بولدى.
مەكسيكالىق بوكسشى ساۋل «كانەلو» الۆارەستىڭ ويىنشا، گولوۆكين مەن ونىڭ جاتتىقتىرۋشىسى ابەل سانچەستىڭ تاراپىنان ايتىلعان سىن ۇرەيدەن تۋعان. بۇل تۋرالى Sports.kz حابارلادى.
«شىنىمدى ايتسام، گولوۆكين مەن ونىڭ كومانداسىنىڭ مەن تۋرالى ايتقان پىكىرلەرى مەنى الاڭداتپايدى. ولار دارىگەر نەمەسە ساراپشى ەمەس. كوڭىل اۋدارمايمىن. مەن ءۇشىن بۇل جەكپە-جەكتەن قاشۋدىڭ ءبىر امالى سىندى. راس، گولوۆكين مەنەن قورقاتىن سەكىلدى»، - دەدى كانەلو پرەسس-كونفەرەنسيا بارىسىندا.
ايتا كەتەيىك، 5 مامىردا لاس-ۆەگاستا جوسپارلانعان جەكپە-جەك وتپەيدى. ول كۇنى GGG رينگكە وزگە قارسىلاسپەن شىعادى.
