"قازاقستاندا جاسالعان" دەگەن ۇرانمەن وتكەن اكسياعا بەلگىلى اكتەر، تەلەجۇرگىزۋشى تۇسىنبەك قاباتوۆ قاتىستى.
ازىلكەش ءارتىس وتانداستارىن جارقىراعان جارناماعا الدانباۋعا ۇندەدى.
"وزىمىزدىكى تاڭەرتەن شىعارىلسا، كەشكە دۇكەندەردىڭ سورەلەرىندە تۇرادى. ال شەت ەلدەن كەلگەندەر، سىرتتان كەلگەندەردىڭ جارنامالارى ايعايلاپ تۇرعانمەن، ول بىزگە كەلگەنشە 10 كۇن، دۇكەندەرگە قويىلعانشا، تاعى 10 كۇن، ول ول جەردە تاعى قانشا كۇن تۇردى، تاعى بىلمەيمىز. جارناماسىنا بايلانىستى ءبىز قىزىعىپ الىپ جاتامىز. ال ءوزىمىزدىڭ وتاندىق ونىمدەردى الاتىن بولساق، ولار جاڭا، ءارى تازا. سوندىقتان مەن ءوز باسىم وتاندىق ونىمدەردى قولدايمىن"، - دەيدى شوۋمەن تۇرسىنبەك قاباتوۆ.
كوڭىلدى تاپقىرلار كلۋبىنىڭ كەشەگى بەلدى اكتەرى، رەسەيلىك دوستارىنىڭ قازاقستاننان باراتىن بازارلىقتى اسىعا كۇتەتىندىگىن ايتادى.
"ءاربىر ويىنعا قالجىڭمەن قوسا، قازاقستاندىق ءونىمدى ارقالاپ بارۋعا تۋرا كەلەتىن"، - دەيدى اكتەر.
"كەزىندە رەسەيگە كۆن-گە بارىپ جۇرگەن كەزىمىزدە ءبىزدى سول جاقتىڭ كۆن-ششيكتەرى، باسقا ۇلتتىڭ وكىلدەرى ءبىزدى كادىمگىدەي ءبۇيتىپ قارسى الاتىن. بىزگە ايتاتىن، قازاقستاندىق ءونىم كەرەمەت دەپ. مەن ونى ەشقانداي ماقتاپ جاتقانىم جوق، قوسىپ جاتقانىم جوق"، - دەدى قاباتوۆ. "استانا ارناسى"
