Qamshy.kz اقپارات اگەنتتىگىنىڭ حات قورجىنىنا «تۇران الەم بانكىنىڭ» بۇرىنعى باسشىسى ەرجان تاتىشيەۆتىڭ وتباسى اتىنان حات كەلدى. 2004 جىلى 38 جاسىندا اڭ اۋلاۋ كەزىندە قازا تاپقان تاتىشيەۆكە قاتىستى دەرەكتەر 13 جىلدان كەيىن قايتا قارالادى. ناتيجەسىندە، مۇراتحان ءتوقمادي ەرجان تاتىشيەۆتى اتىپ ولتىرگەنىن مويىنداپ، سوت ونى 10،5 جىلعا باس بوستاندىعىنان ايىرعان. وسى وقيعاعا قاتىستى وتباسىنىڭ جازعان حاتىن نازارلارىڭىزعا ۇسىنامىز.

***

ۋاقىتقا توتەپ بەرگەن تورەشى – ول ادىلدىك.

ومىردەن ەرتە وزعان ەرجاننىڭ جۇرەگىمىزدەگى عۇمىرى ماڭگى بولا بەرمەك.

كوپ كۇتكەن ۇكىم كۇشىنە ەنىپ، قىلمىسكەرلەر ءوز كىناسىن مويىنداعان بۇل كۇندە يىق سۇيەسىپ، بىزدەرمەن بىرگە ءادىل زاڭعا ءۇمىت ارتىپ، وسى كۇرەستە قولتىعىمىزدان سۇيەپ، دەمەۋ بولعان ىزگى نيەتتى ادامدارعا العىس ايتقىمىز كەلەدى. بۇل كۇرەس تابانى كۇرەكتەي 14 جىلعا سوزىلىپ، اقىرى ادىلدىك ۋاقىتتىڭ وزىنە توتەپ بەرىپ، تورەلىگىن ايتتى.

سەرگەلدەڭگە سالعان وسى جىلدار بويى ءقوڭىلىمىز قۇلازىپ، قابىرعامىز قايىستى. جان تۇرشىگەرلىك جاۋىز قىلمىستار زور مارتەبە، قۇدىرەت-مانساپ، قيساپسىز اقشانىڭ تاساسىندا قالىپ، ساياسات سىلتاۋىمەن جىلى جابىلىپ كەلگەنى جانىمىزعا باتتى. ءبىراق، بىزدەردەي زاڭ كۇشىنە سەنىپ، شىندىق ءۇشىن كۇرەسكەن تىلەۋلەستەر ءدايىم جانىمىزدان تابىلىپ كەلدى. اقىرى اق-قاراسىن ايىرعان ءادىل تەرگەۋ، اشىق سوت شىتىرماننىڭ شيەسىن تارقاتىپ، جاۋىزدار جازاسىن الدى.

قولمەن ىستەگەندى مويىنمەن كوتەرمەك كەرەك. ەشكىم دە زاڭ قۇرىعىنان قۇتىلمايدى. ەرجانعا قارسى قىلمىستارعا قاتىسى بار قاندىقول قاراقشىلاردىڭ ءبارى دە سازايىن تارتاتىنىن بىلەمىز ءھام سەنەمىز. ارينە، بۇل سەنىم قازانىڭ ورنىن تولتىرىپ، قاسىرەتتەن ارىلتپاس، الايدا، ابزال ۇل، اعا، جار، اكە بولعان اياۋلى جاننان ايىرىلعان جارادار قوڭىلدەردى جۇباتىپ، جىلاۋلى كوزدەردىڭ جاسىن تىيۋعا سەپ بولارى انىق.

مىنە، بۇگىندە ادىلدىك ىزدەپ الاسۇرعان بارشا جاندارعا ءبىزدىڭ ايتارىمىز: تۇيىققا تىرەلدىك دەپ، توقتاماڭىزدار. ماقساتقا جەتپەي، تىنباڭىزدار. وزگەلەر كۇدەر ۇزسە دە، كۇرەسە بەرىڭىزدەر. كۇرەسكەن جەتەر مۇراتقا!

تاتىشيەۆ جانۇياسى!