ەلوردامىزدا 2018 جىلدىڭ جازىنان باستاپ قاڭعىباس يتتەردى تەگىن ءپىشتىرۋ قولعا الىنادى، دەپ حابارلايدى Qamshy.kz اقپارات اگەنتتىگى elorda.info سايتىنا سىلتەمە جاساپ.
«بيىل ترانسفورماسياعا بايلانىستى كونكۋرس وتكىزىپ ۇلگەرمەدىك. ءبىراق قوردان 500 باسقا قاراجات ءبولىندى. 2018 جىلدىڭ ماۋسىمىندا تاعى دا كونكۋرس وتكىزىلىپ، بيىلعى جىلعا قوسىمشا ساتىپ الىنادى. جىل سوڭىنا دەيىن 7-8 مىڭ ءيتتى قامتيمىز دەپ جوسپارلاپ وتىرمىز»، — دەدى «استانا ۆەتسەرۆيس» ديرەكتورىنىڭ مىندەتىن اتقارۋشى ايدارحان ارىستانوۆ.
ونىڭ ايتۋىنشا، بۇل قاڭعىباس يتتەردىڭ پوپۋلياسياسىن قاداعالاۋدىڭ جالعىز ءادىسى. ويتكەنى يت كۇشىكتەگەن كەزدە يەسى قايدا اپارارىن بىلمەي، كۇشىكتەردى قوقىس جانىنا قالدىرىپ كەتەدى.
ايتا كەتسەك، 2017 جىلى 4 مىڭ قاڭعىباس يت پىشتىرىلگەن.
