بۇگىن – حالىقارالىق سپورت كۇنى. 2013 جىلى بىرىككەن ۇلتتار ۇيىمى باس اسسامبلەياسىنىڭ شەشىمىمەن 6 ءساۋىر رەسمي تۇردە سپورت كۇنى رەتىندە اتالىپ وتەدى. بۇل باستامانى العاش بوپ قولداعان ەلدەردىڭ اراسىندا قازاقستان بار. جالپى ەلىمىز تاۋەلسىزدىك العان جىلداردان بەرى بۇل سالادا اۋىز تولتىرىپ ايتارلىقتاي جەتىستىكتەرگە جەتتى. اسىرەسە، وڭىر-وڭىردە سپورتتىق كەشەندەردىڭ سانى ارتىپ، وعان كەلۋشىلەردىڭ قاتارى ەسەلەنىپ جاتىر. اسىرەسە، بۇقارالىق سپورتتا ايتارلىقتاي دامۋ بار.

ەلباسى 2020 جىلعا دەيىن ەل تۇرعىندارىنىڭ 30 پايىزى سپورتپەن اينالىسۋ كەرەك دەگەن تاپسىرما جۇكتەگەن بولاتىن. سوعان سايكەس، ەلىمىزدە جىل سايىن ءارتۇرلى دەڭگەيدەگى جۇزدەگەن جارىستار وتەدى. ءتىپتى قىسقى ازيادا مەن دۇنيەجۇزىلىك ۋنيۆەرسيادانى قابىلداۋ قۇرمەتىنە يە بولدىق. ال ءوزىمىزدىڭ كاسىپقوي سپورتشىلار وسى جىلدار ارالىعىندا 6 جازعى جانە 7 قىسقى وليمپياداعا قاتىسىپ، جالپى سانى 70-كە جۋىق مەدال ولجالادى.