قوستانايداعى MART ساۋدا جانە ويىن-ساۋىق ورتالىعىنان ءورت شىعىپ، كۇزەتشىلەردىڭ ءبىرى زارداپ شەكتى دەپ جازادى Qamshy.kz اقپارات اگەنتتىگى الاۋ پورتالىنىڭ دەرەگىن نەگىزگە الا وتىرىپ.
ءورت بۇگىن تاڭەرتەڭ ساعات التىنىڭ شاماسىندا جەرتولەدەگى ءدارىحانادان شىققان.
قوستاناي وبلىسى تجد ءورت ءسوندىرۋ جانە اپاتتان قۇتقارۋ جۇمىستارى قىزمەتى حابارلاۋىنشا، كومپيۋتەردىڭ جۇيەلىك بلوگى مەن سورەلەر ورتەنگەن.
«ءورت 3 شارشى مەترگە شارپىدى. قىزىل جالىندى ءورت سوندىرۋشىلەر كەلگەنشە MART ساۋدا جانە ويىن-ساۋىق ورتالىعىنىڭ كۇزەتشىسى ءسوندىردى»، — دەپ حابارلادى ۆەدومستۆو.
قوستاناي قالالىق اۋرۋحاناسى تراۆماتولوگيا ءبولىمىنىڭ مەڭگەرۋشىسى مارال ءابىلقاسىموۆانىڭ مالىمەتىنشە، ساۋدا ورتالىعى كۇزەتشىلەرىن بىرىنشى-ەكىنشى دارەجەلى كۇيىك شالعان. ەر ادام اۋرۋحاناعا ءوزى بارىپ، مەديسينالىق كومەك العان، ول امبۋلاتوريالىق جاعدايدا ەمدەلۋگە جىبەرىلدى.
MART ساۋدا جانە ويىن-ساۋىق ورتالىعىندا بىرنەشە كۇن بۇرىن وقۋ-جاتتىعۋ وتكەن بولاتىن.
