وقو سايرام اۋدانىنىڭ قارابۇلاق ەلدىمەكەنىندەگى مەكتەپ ءمۇعالىمىنىڭ ولىمىنە قاتىستى سوت پروسەسى اياقتالدى دەپ حابارلايدى Qamshy.kz اقپارات اگەنتتىگى otyrar.kz-كە سىلتەمە بەرىپ.  كۇيەۋى ەكى بالانىڭ اناسى، 31 جاستاعى ايەلىن سۋيسيد جاسادى دەپ مالىمدەگەن. ءبىراق تەرگەۋ جۇمىستارىنىڭ ناتيجەسى كۇيەۋىنىڭ مالىمدەمەسىنىڭ شىندىققا جاناسپايتىندىعىن دالەلدەدى.

ءوز ايەلىن ۇرىپ، قىلقىندىرىپ ولتىرگەن. ءسويتىپ ءوزىن ءوزى ولتىرگەندەي ەتىپ كورسەتۋگە تىرىسقان. جۇبايىن ولتىرگەن ەركىنجان نارتايەۆقا سوت وسىنداي ايىپ تاقتى. وقو مامانداندىرىلعان اۋدانارالىق  سوتىندا قىلمىسكەرگە قاتىستى  ۇكىم وقىلدى.

داۋرەن مادالييەۆ، سۋديا: «ق ر قك ءنىڭ 99-شى بابى، 1ء-شى بولىگىمەن كىنالى دەپ تانىلىپ، 11 جىل 3 ايعا باس بوستاندىعىنان ايىرۋ جازاسىنا كەسىلسىن».

ءسويتىپ ءوز ايەلىن ولتىرگەن سوتتالۋشى ەندى 11 جىلىن تەمىر توردا وتكىزەتىن بولادى. سونداي — اق، مارقۇمنىڭ اتا — اناسىنا 3 ملن. تەڭگە مورالدىق ايىپپۇل تولەيدى.

قاڭتار ايىندا مارقۇم ايەلدىڭ دەنەسى ءوز ۇيىنەن تابىلعان ەدى. تۋىستارى ونى ەكىنشى قاباتتاعى ءشوپ جينايتىن سارايدىڭ ىشىندە ءوزىن اسىپ قويدى دەگەن. ءبىراق مارقۇم يۋلدۋزدىڭ اتا-اناسى قىزىنىڭ دەنەسىنەن قاتىگەزدىكپەن ۇرىلعان سوققى ىزدەرىن بايقايدى.

العاشىندا ءىس ايەلدى ءوزىن ءوزى ءولتىردى دەپ تانىپ قىلمىس قۇرامى جوق دەپ جابىلعان ەدى. قوعامدىق ۇيىمداردىڭ ارالاسۋىمەن قىلمىستىق ءىس قايتا قولعا الىندى.

ليليا حاليۋلينا، «سانا سەزىم» ورتالىعىنىڭ زاڭگەرى: «بىزگە مارقۇمنىڭ تۋىسى حابارلاستى. سۋرەتتەردى كورسەتتى. وندا سوققى ىزدەرى كورىنىپ تۇردى. تەلەفون قوڭىراۋلارىن تەكسەرتكەندە مارقۇم ولەر الدىن باس پروكۋراتۋرانىڭ سەنىم تەلەفونىنا حابارلاسقانى ءمالىم بولدى. ءىس ماتەريالدارىمەن تانىسىپ، قايتا قوزعاۋعا مۇرىندىق بولدىق».

ەكسگۋماسيا جاساعاندا ايەلدىڭ وڭ جاق قابىرعاسى سىنعانى بەلگىلى بولعان. كۇيەۋى كۇدىكتى رەتىندە ۇستالىپ، تەرگەۋ ونىڭ كىناسىن مويىنداعان.