جۇڭگو پوليسياسى 60 مىڭ ادامنىڭ اراسىنان قىلمىس جاسادى دەگەن كۇدىك تاعىلعان ەر ادامدى تاپتى. بۇعان قىتايدىڭ تۇلعانى تانۋ جۇيەسى كومەكتەستى. بۇل جايىندا بي-بي-سي جازادى.

پوليسيا كۇدىكتىڭ ەسىمى او ەكەنىن جانە جاسى 31-دە ەكەنىن حابارلاعان. وتكەن اپتادا ايەلى جانە بىرنەشە دوسىمەن دجەكي چۋننىڭ كونسەرتىنە كەلگەن. سول جەردە تۇتقىندالعان.

ەر ادام كونسەرتكە كىرەر جەردەگى بەينەباقىلاۋعا ءتۇسىپ قالعان. ونى زالداعى ءوز ورنىنا بارىپ وتىرعان كەزدە قولعا تۇسىرگەن.

پوليسيانىڭ مالىمەتىنشە، او ەكونوميكالىق قىلمىس جاسادى دەپ ايىپتالىپ وتىر.

اعىمداعى جىلدىڭ ناۋرىزىندا پوليسيا تەمىر جول ۆوكزالىندا ءتۇرلى ىسكە قاتىسى بار 33 ادامدى قولعا ءتۇسىردى. پوليسيا قىزمەتكەرلەرى ادامدى تانۋعا كومەكتەسەتىن كوزىلدىرىكتەر پايدالانعان.

جۇڭگو جاساندى ينتەللەكت كومەگىمەن تۇلعانى تانۋ تەحنولوگياسىن دامىتىپ جاتىر  جانە ءوز ازاماتتارىنا وسىنداي تەحنيكالىق قۇرالداردى يەلەنگەن بيلىكتەن جاسىرۋ مۇمكىن ەمەس ەكەنىن ۇنەمى ەسكە سالىپ وتىرادى.