باتىس قازاقستان وبلىسى ءدىن ىستەرى باسقارماسىنىڭ بۇرىنعى جەتەكشىسى سايالبەك عيززاتوۆ پارا بەرۋگە يتەرمەلەگەنى ءۇشىن جازالاندى دەپ جازادى Qamshy.kz اقپارات اگەنتتىگى ازاتتىققا سىلتەمە جاساپ.
سوت قۇجاتتارىنداعى مالىمەت بويىنشا، عيززاتوۆ ءدىن ماسەلەلەرىن زەرتتەۋ ورتالىعىنىڭ جەتەكشىسى ازامات ءابدراحمانوۆتى مەملەكەتتىك اۋديت دەپارتامەنتى بقو بويىنشا ءبولىمىنىڭ جەتەكشىسى كەنجەانىم ەرمەككالييەۆاعا 200 مىڭ تەڭگە پارا بەرۋگە ۇگىتتەگەن.
ەرمەكقالييەۆا ەكسترەميزممەن كۇرەسكە بولىنگەن بيۋدجەت قارجىسىن تەكسەرگەندە زاڭ بۇزۋشىلىقتاردى انىقتاعان. سوتتىڭ دەرەگىنشە، عيززاتوۆ "زاڭ بۇزۋشىلىقتاردى اۋديتورلىق اكتىدە" كورسەتپەۋ ءۇشىن پارا بەرمەك بولعان. ەرمەكقالييەۆا پارا الىپ جاتقان جەرىندە ۇستالعان.
ەرمەكقالييەۆاعا 12 ميلليون، عيززاتوۆقا 6 ميلليون تەڭگە ايىپپۇل سالىندى. سوت شەشىمىمەن ەكەۋى دە ءومىر بويى مەملەكەتتىك قىزمەتكە جۇمىس ىستەي المايدى.
پىكىر قالدىرۋ