ينديا بيلىگى 12 جاسقا جەتپەگەن قىزداردى زورلاعان پەدوفيلدەردى ءولىم جازاسىنا كەسۋ تۋرالى جارلىق شىعاردى. بۇل جايىندا The Hindu باسىلىمى حابارلادى.

اتالعان جارلىق ەلدەگى بالالاردى سەكسۋالدى قىلمىستان ساقتاۋ ءۇشىن قابىلداندى. جاڭا زاڭ بويىنشا زورلىق كورسەتكەن قىلمىسكەرگە  ەڭ ازى 20 جىل بەرىلەدى. مينيمالدى تۇردە – ءومىرىنىڭ سوڭىنا دەيىن اباقتىعا قامالادى نەمەسە ءولىم جازاسىنا كەسىلەدى.

ال توپ بولىپ زورلىق كورسەتىلسە، قىلمىس جاساۋشىلار ءومىر بويىنا سوتتالادى نەمەسە  ءولىم جازاسى تاعايىندالادى.

بۇدان باسقا، 16 جاسقا دەيىنگى قىزداردى زورلاعاندارعا جازا كۇشەيتىلدى - ەڭ تومەنگى كەزەڭ 10 جىلدان 20 جىلعا دەيىن ۇلعايتىلدى. ايەلدى زورلاعانى  ءۇشىن قىلمىسكەر كەم دەگەندە 10 جىلعا باس بوستاندىعىنان ايىرىلادى.

ءۇندىستان تەلەارنالارىنىڭ حابارلاۋىنشا، اتالعان تۇزەتۋ بالالارعا قاتىستى جىنىستىق سيپاتتاعى بىرنەشە قىلمىس جاسالعاننان كەيىن ەنگىزىلدى. ءقازىر  شەشىم ءۇندىستاننىڭ پرەزيدەنتى  رامۋ كوۆينگە ماقۇلداۋ ءۇشىن جىبەرىلەدى.

ءۇندىستاندا قاڭتاردا 8 جاستاعى قىزدى عيباداتحانا ىشىندە ءبىر اپتا ۇستاپ، زورلاعان. ارتىنشا ولتىرگەن. ارتىنان جەرگىلىكتى پوليسيانىڭ قىلمىسكەرلەردىڭ ارتىن جاپقانى انىقتالعان. ال بۇل ىسكە قاتىسى بار 8 ادام تۇتقىندالعان.

ساۋىردە ەلدىڭ سۋرات قالاسىندا 9-11 جاستاعى قىزدىڭ دەنەسىنە  86 جەرىنەن جاراقاتتالعان كۇيى تابىلدى. جابىرلەنۋشىنىڭ جەكە باسى انىقتالىپ، بىرنەشە باپ بويىنشا قىلمىستىق ءىس قوزعالدى. تەرگەۋشىلەردىڭ ايتۋىنشا، قىزدى ولتىرمەستەن بۇرىن ۇرلاپ، ازاپتاۋ مەن زورلىق-زومبىلىق جاساعان.