اتموسفەرالىق اعىنداردىڭ وتۋىنە بايلانىستى 22 ساۋىردە قازاقستاننىڭ باسىم بولىگىندە جاڭبىر جاۋادى، تۇمان، ەكپىندى جەل ساقتالادى، تەك باتىستا شاڭدى داۋىل تۇرادى، دەپ حابارلايدى Qamshy.kz اقپارات اگەنتتىگى قازگيدرومەتتىڭ دەرەگىن نەگىزگە الىپ. 

جامبىل، پاۆلودار، شىعىس قازاقستان، باتىس قازاقستان، قوستاناي، كۇندىز اقتوبە وبلىستارىندا جەلدىڭ 15-20 م/س كۇشەيۋى كۇتىلەدى. شىعىس قازاقستان، باتىس قازاقستان، قوستاناي وبلىستارىنىڭ كەي جەرلەرىندە تۇمان تۇسەدى.

كۇندىز اتىراۋ وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتىپ، شاڭدى داۋىل تۇرادى. اقمولا، سولتۇستىك قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى، تۇمان، تۇندە كوكتايعاق بولۋى ىقتيمال. وڭتۇستىك قازاقستان، قاراعاندى وبلىستارىنىڭ كەي جەرلەرىندە نايزاعاي ويناپ، كۇندىز جەل تۇرىپ، جىلدامدىعى 15-20 م/س جەتەدى.