الداعى 1 ايدا ماقتارال اۋدانىنا كىرەبەرىس سانالاتىن دىلدابەكوۆ اۋىلدىق وكرۋگىنىڭ ماڭىنداعى جول جيەكتەرى جاڭا كەيىپكە ەنەتىن بولادى. ناقتىراق ايتساق، كوركى كوز تارتار شارباقتار مەن جول شامدارى ورناتىلىپ، تولىقتاي ابباتتاندىرىلماق دەپ جازادى Qamshy.kz اقپارات اگەنتتىگى ماقتارال اۋدانى اكىمىنىڭ باسپا ءسوز قىزمەتىنە سىلتەمە جاساپ. 

ءدال وسىنداي جۇمىستار اسىقاتا كەنتىندە جالعاسىپ، قازىبەك بي اۋىلدىق وكرۋگى ماڭىنداعى جول جيەگى دە كوگالداندىرىلىپ، جاياۋ جۇرگىنشىلەرگە ارنالعان جولاياق سالۋ جوسپارلانىپ وتىر. سونداي-اق، جەتىساي قالاسىنىڭ كىرەبەرىسىندەگى جول جيەكتەرى دە قالىپقا كەلتىرىلىپ، كوپىر ماڭىنداعى گۇلزاردا ەرەكشە كەيىپتەگى جارىق شامدارى ورناتىلماق. مۇنداي ابباتتاندىرۋ جۇمىستارى اۋداندىمىزدىڭ بارلىق ەلدى مەكەندەرىندە جاسالىنادى. بۇگىن بۇل تۋرالى اۋدانداعى سەنبىلىك بارىسىمەن تانىسىپ شىققان ءوڭىر باسشىسى ج.بەيسەنبايەۆ ءمالىم ەتتى.

بۇگىندە ماقتارال اۋدانىندا وسىدان 1 اپتا بۇرىن باستالعان سەنبىلىك جالعاسۋدا. وتكەن اپاتادا جول-جيەكتەرى كۇل-قوقىستان تازارتىلىپ، گۇلدەر ەگىلسە، بۇل جولى جاپپاي تال ەگۋ جۇمىستارى قارقىن الدى. اتاپ ايتقاندا، 3814 دانا اعاش كوشەتتەرى مەن شىرشا وتىرعىزىلدى. تال ەگۋ جۇمىستارىنا كۋا بولعان اۋدان اكىمى ءوزى دە تال وتىرعىزىپ، جاستارعا كۇتىپ-باپتاۋدىڭ قىر-سىرىن ۇيرەتتى.

سەنبىلىككە بارشا قالا، كەنت، اۋىلدىق وكرۋگتەردەن 10 مىڭنان اسا ادام جانە 31 تەحنيكا قاتىسىپ، 420 توننا رەتسىز كۇل-قوقىس شىعارىلدى. 83 شاقىرىم كوشەنىڭ بويلارى، 22 شاقىرىم اياقجولدار تازالانىپ، رەتكە كەلتىرىلدى. سونىمەن قاتار، 10 بالالار الاڭشالارى، 4 سپورت الاڭشالارى مەن 15 اۆتوبۋس ايالدامالارى اكتەلىپ، سىرلاندى.

ودان بولەك، 145 كوپقاباتتى ۇيلەردىڭ اۋماقتارى مەن كىرەبەرىستەرى، 2671 شارشى مەتر ءۇي ىرگەلىك اۋلالارى رەتكە كەلتىرىلسە، 1،775 شاقىرىمدى قۇرايتىن يرريگاسيالىق جۇيەلەر قوقىستان ارىلدى.

ايتا كەتەيىك، اۋدان اكىمىنىڭ باستاماسىمەن ءوتىپ جاتقان سەنبىلىك كەلەر اپتا جالعاساتىن بولادى.