2018 جىلدىڭ باسىنان بەرى قازاقستاننان 6 846 ادام قونىس اۋدارعان، دەپ حابارلايدى Qamshy.kz اقپارات اگەنتتىگى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.

قونىس اۋدارۋشىلاردىڭ باسىم بولىگى سولتۇستىك وبلىستاردىڭ تۇرعىندارى، ەسەسىنە ءىرى قالالاردىڭ حالقى ءوسىپ جاتىر.

كوميەتتىڭ مالىمەتىنە سۇيەنسەك، قازاقستاندىقتاردىڭ كوپشىلىگى رەسەيگە قونىس اۋدارعان.  گەرمانياعا 500-گە تارتا، اقش-قا 60-تان استام ازامات كوشىپ كەتكەن. 

"ەڭ ۇلكەن كوشى-قون قوستاناي، شىعىس قازاقستان جانە قاراعاندى، سونداي-اق پاۆلودار جانە سولتۇستىك قازاقستان وبلىستارىندا تىركەلدى. قازاقستانعا تۇراقتى تۇرۋعا كەلەتىن شەتەلدىكتەر دە از ەمەس، ولار، ادەتتە، ءىرى قالالاردى تاڭدايدى"، — دەدى كوميتەت ساراپشىسى قايىر رىسپايەۆ "استانا" ارناسىنا بەرگەن سۇحباتىندا. 

سونىمەن قاتار، قالا حالقىنىڭ سانى، اسىرەسە، مەگاپوليستەردە ءوسىپ جاتقانى ايتىلادى. ماسەلەن، الماتىعا كوشىپ كەلگەندەردىڭ سانى قونىس اۋدارعانداردان 9 294 ادامعا كوپ، قازرگى ۋاقىتتا قالا حالقى 1 ميلليون 815 مىڭ ادامعا جەتكەن. استانادا بۇل كورسەتكىش — 3 370 ادام.