ب ا ق قازاقستاندىق گەنناديي گولوۆكين مەن مەكسيكاندىق ساۋل الۆارەس اراسىنداعى ەكىنشى جەكپە-جەكتىڭ وتەتىن ورنى مەن كۇنىن اتادى، دەپ حابارلايدى Qamshy.kz اقپارات اگەنتتىگى Vesti.kz-كە سىلتەمە جاساپ.
سوڭعى اقپاراتتارعا سۇيەنسەك، قوس سپورتشىنىڭ كوماندالارى اراسىندا اتالعان جەكپە-جەكتى ۇيىمداستىرۋ شارالارىنا بايلانىستى كەلىسسوزدەر ءجۇرىپ جاتىر. ازىرگە ناقتى مالىمەت بەرىلگەن جوق، الايدا سپورت سالاسىنىڭ بەلگىلى ساراپشىلارى وزدەرىنىڭ ناقتى بولجامدارىمەن ءبولىسىپ جاتىر.
ESPN شولۋشىسى دەن رافاەل سۇحباتىندا قوس بوكسشى اراسىنداعى كەزدەسۋدىڭ وتەتىن ورنى مەن كۇنىن ايتتى.
"گولوۆكين مەن الۆارەستىڭ لاس ۆەگاسقا قايتا ورالاتىنىنا كۇمانىم جوق. بۇل كەزدەسۋ ءبىرىنشى جەكپە-جەك بولعان ورىندا، ياعني "T-Mobile" ارەناسىندا وتەدى"،-دەدى ول.
شولۋشى بوكس كەشىنىڭ 15 قىركۇيەكتى وتەتىنىنە سەنىمدى. بۇل كۇنى مەكسيكاندىقتار وزدەرىنىڭ تاۋەلسىزدىك مەرەكەسىن تويلايدى. ال گولوۆكين مەن كانەلو اراسىنداعى ءبىرىنشى كەزدەسۋ 16 قىركۇيەكتە وتكەن بولاتىن.
قازىرگى ۋاقىتتا ساۋل الۆارەس انتيدوپينگ ەرەجەلەرىن ساقتاماعانى ءۇشىن التى ايعا سپورتتان شەتتەتىلگەن. بوكسشىنى جارىسقا قاتىسۋ قۇقىعىنان ايىرۋ ۋاقىتى التى ايعا سوزىلدى. دەمەك تامىز ايىندا الۆارەسكە شارشى الاڭعا شىعۋعا مۇمكىندىك تۋادى. مەكسيكاندىق بوكسىشىنىڭ كومانداسى 15 قىركۇيەكتە ريەۆانش وتكىزۋگە قىزىعۋشىلىق تانىتىپ وتىرعاندارىن ايتقان بولاتىن.
گولوۆكين مەن الۆارەس اراسىنداعى ريەۆانشتىق كەزدەسۋ 5 مامىر كۇنى ءوتۋى ءتيىس ەدى. الايدا دوپينگ داۋىنا بايلانىستى بۇل جەكپە-جەك كەيىنگە قالدىرىلدى. قازاقستاندىق بوكسشى كانەلونىڭ ورنىنا امەريكاندىق ۆانەس مارتيروسيانمەن كەزدەسۋ وتكىزىپ، ەكىنشى راۋندتا قارسىلارىن نوكاۋتپەن جەڭدى.
