«Qadam Intech» قوعامدىق ۇيىمى الماتى قالاسى ىشكى ساياسات باسقارماسىنىڭ تاپسىرىسى اياسىندا «استانا – ۇلى دالا ەلورداسى» اتتى جۋرناليستتەر مەن بلوگەرلەر ارالىق بايقاۋدى وتكىزۋ بويىنشا جوباسىن ىسكە اسىراتىنىن حابارلايدى. بايقاۋ استانا قالاسىنىڭ 20-جىلدىق مەرەيتويىنا ارنالماق.
الماتى قالاسى ىشكى ساياسات باسقارماسىنىڭ باسشىسى ورىنباسارى م.ا ەركەبۇلان كەنجەبۇلاتوۆتىڭ ايتۋىنشا، ونىڭ ماقساتى تىلشىلەر قوعامىن ەلوردانىڭ مەرەيتويى مەن ءومىرى تۋرالى جارىقتاندىرۋعا جۇمىلدىرۋ بولىپ تابىلادى.
بايقاۋدى وتكىزۋدە كەلەسى 7 نوميناسيالار قاراستىرىلعان:
- ۇزدىك تەليەۆيزيالىق سيۋجەت؛
- باسپا باسىلىمدارىنداعى ۇزدىك ماقالا؛
- ۇزدىك راديوماتەريال؛
- ينتەرنەت-رەسۋرستارداعى ۇزدىك ماتەريال؛
- الەۋمەتتىك جەلىدەگى ۇزدىك شىعارىلىم؛
- ۇزدىك فوتوماتەريال؛
- ۇزدىك ۆاين
جالپى، جۇلدە قورى 7 000 000 (جەتى ميلليون) تەڭگەنى قۇرايدى، 1 ميلليون تەڭگە ءار نوميناسيا بويىنشا بەرىلەدى.
بايقاۋعا استانا قالاسىنىڭ 20-جىل ىشىندە جەتكەن جەتىستىكتەرى مەن قوعامدىق-ساياسي ءومىرى جانە الەۋمەتتىك-ەكونوميكالىق دامۋى تۋرالى جۇمىستار قابىلدانادى. سونداي-اق، بايقاۋعا قاتىسۋعا بلوگەرلەر مەن ۆاينەرلەردە شاقىرىلادى.
بايقاۋعا قاتىسۋ ءۇشىن www.astana20jyl.kz. رەسمي سايتىندا ونلاين ءوتىنىش قالدىرۋ قاجەت. وتىنىشتەر اعىمداعى جىلدىڭ 15 ماۋسىمىنا دەيىن قابىلدانادى.
بايقاۋ كوميسسياسى ديپلوم مەن سىياقى الۋشىلاردى كەلەسى بەلگىلەر بويىنشا ىرىكتەيدى:
- ماتەريالدىڭ دۇرىستىعى؛
- ءوز ويىن جەتكىزۋدىڭ شەبەرلىگى مەن كاسىپقويلىعى؛
- ماتەريالدىڭ قوعامدا كەڭىنەن تالقىلانۋى؛
- جۇمىستىڭ شىعارماشىلىق وزەكتىلىگى؛
- ماتەريالدا كورسەتىلگەن جەتىستىكتىڭ وزەكتىلىگى جانە شىعارماشىلىق تالداۋدىڭ تەرەڭدىگى.
