التاي ايماعىنداعى بارناۋىل ولكەسىندە 8 جاستاعى قىز ىزدەستىرىلىپ جاتىر. ول سەنبىنىڭ كەشىندە بولعان جويقىن داۋىل الدىندا جالعىز شىعىپ كەتكەن. كريميناليستەر وقيعانىڭ ءمان-جايىن انىقتاپ، بالانىڭ تۋىستارى مەن دوستارىن، جاقىندارىن تەرگەپ جاتىر. بۇل جايىندا رەسەي فەدەراسياسىنىڭ تەرگەۋ كوميتەتى بويىنشا التاي ولكەسىنىڭ تەرگەۋ باسقارماسىنىڭ سايتىندا حابارلاندى.

وقيعا بويىنشا قىلمىستىق ءىس قوزعاۋ ماسەلەسى تالقىلانىپ جاتىر.

— ءبىز ازىرگە ونىڭ جوعالىپ كەتۋى داۋىلعا قاتىسى بار ما، جوق پا بىلمەيمىز. الايدا ونىڭ داۋىلدىڭ باسىلعانىن كۇتىپ  دوستارى نەمەسە تانىستارىنىڭ ۇيىندە بولۋى مۇمكىن. بالا ەرتەرەك قىدىرۋعا شىعىپ كەتكەن، ارتىنان اناسى بىزگە ونىڭ جوعالىپ كەتكەنىن ايتىپ، حابارلاستى. ءجاسوسپىرىم جاقسى وتباسىدان شىققان، بۇرىن سوڭدى مۇنداي قىلىعى بولماعان، - دەدى تەرگەۋ كوميتەتىنىڭ باسپا ءسوز قىزمەتى.

بارناۋىلدا داۋىل 23 ماۋسىمدا كەشكى ساعات 9 شاماسىندا باستالعان. جەل اعاشتاردى قۇلاتىپ، بىرنەشە عيماراتتىڭ شاتىرىن جۇلىپ اكەتكەن. داۋىل سالدارىنان 1 ادام كوز جۇمدى، 85 مىڭ ادام جارىقسىز قالدى جانە 15 ادام جاراقات العان.