حاسان روۋحاني ءوز مەملەكەتىنىڭ ۇستامدى ەل ەكەنىن ءارى «ەشكىممەن شايقاسپايتىن، جاۋلاپ المايتىن ەل» ەكەنىن مالىمدەگەن، دەپ جازادى Qamshy.kz اقپارات اگەنتتىگى «گوۆوريت موسكۆا» باسىلىمىنا سىلتەپ.

«ترامپ مىرزا، ءبىز مەيىربان حالىقپىز. ىزالاندىرماڭىز، وتپەن ويناماڭىز. ءسىز بۇعان وكىنەتىن بولاسىز. امەريكا يرانمەن بەيبىتشىلىك — بارىمەن بەيبىتشىلىك، يرانمەن سوعىس — بارلىعىمەن سوعىسۋ» دەگەن ءسوز ەكەنىن ءبىلۋى كەرەك»، - دەپ مالىمدەگەن روۋحاني يراندىق ديپلوماتتارمەن تەگەرانداعى كەزدەسۋىندە.

ايتا كەتسەك، مامىر ايىنىڭ باسىندا ترامپ اقش-تىڭ يادرولىق كەلىسىمدى ۇزەتىنىن، يرانعا بۇرىنعى سانكسيالاردى قايتارىپ قانا قويماي جاڭا سانكسيالار سالاتىنىن مالىمدەگەن. وعان قوسا يرانمەن مۇناي ساۋداسىن جاسايتىن ەلدەرگە دە ءقاۋىپ تونەتىنىن ەسكەرتكەن.

وسى جاعدايدان كەيىن رۋحاني «ءبىز قورعانىس قارۋلارىمىزبەن بايلانىستى ەشكىممەن كەلىسىمگە وتىرمايمىز. قاجەتىنشە زىمىران مەن قارۋ ءوندىرىپ قويمالارىمىزدا جينايمىز» دەگەن بولاتىن.

اقش-تىڭ يرانمەن بايلانىستى 40 جىلدان بەرى قاتە شەشىمدەر قابىلداعانىن، يادرولىق كەلىسىمنەن باس تارتۋىنىڭ وتە ۇلكەن قاتەلىك بولاتىنىن العا تارتقان رۋحاني «اقش يادرولىق كەلىسىمنەن باس تارتقان جاعدايدا وكىنەتىن بولادى» دەپ ەدى سول كەزدە دە روۋحاني.

يادرولىق دەرجاۆا اقش يراندى يادرولىق قارۋ وندىرەدى دەپ ايىپتاپ كەلەدى. احمادينەجادتىڭ پرەزيدەنتتىگى تۇسىندا اقش يرانعا اياۋسىز سانكسيا سالعان. ال، يران يادرولىق ەنەرگيانى بەيبىت ماقساتتا پايدالاناتىنىن تابانداپ ايتىپ كەلەدى، ءالى پوزيسياسىن وزگەرتكەن جوق.

ارادا 2015 جىلى شىلدەدە يران مەن التى مەملەكەت - اقش، گەرمانيا، جۇڭگو، ۇلىبريتانيا، رەسەي جانە فرانسيا اراسىندا كەلىسىمگە قول قويىلىپ، يرانمەن باتىس ەلدەرىنىڭ اراسى ءسال جۇمسارعان. يزرايل قولداماعان كەلىسىم تۋرالى 2016 جىلى ترامپ پرەزيدەنت سايلاۋى الدىندا  «اپات» دەپ باعالاپ، «بۇل كەلىسىم يرانعا يادرولىق قارۋلارىن ساقتاۋعا مۇمكىندىك بەرەدى» دەگەن.