كوركەم گيمناستشى سابينا اشىربايەۆا مەن اۋىراتلەت ۆلاديمير سەدوۆ ديپنگ سىنامالارى وڭ ناتيجە كورسەتكەنى ءۇشىن سپورتتان شەتتەتىلدى، - دەپ حابارلايدى Qamshy.kz اقپارات اگەنتتىگى Vesti.kz سايتىنىڭ دەرەگىن نەگىزگە الىپ. 

2017 جىلى ءساۋىر مەن ماۋسىم ارالىعىندا اشىربايەۆا دوپينگ سىنامالارىن تاپسىرعاننان كەيىن، ونىڭ قان قۇرامىنان فۋروسەميد، گيدروحلورتيازيد جانە حلورتيازيد شىققان. ول ءۇشىن سپورتشى ەكى جىلعا سپورتتان شەتتەتىلدى 2018 جىل 7 ماۋسىم - 2020 جىل 7 ماۋسىم.

19 جاستاعى اشىربايەۆا سپورتتىق مانسابىندا ءۇش رەت ازيا چەمپيونى اتاندى، ازيادا-2014 جارىسىندا قولا مەدال، باسقا ازيا چەمپيوناتتارىندا كۇمىس جانە التى قولا مەدالدى يەلەنگەن. 2016 جىلى گيمناستشى قىز وليمپيادا ويىندارىندا باعىن سىناپ كوردى، ال كەلەسى جىلى الەم كۋبوگىندا ەكىنشى ورىن الدى. 2018 جىلى ناۋرىزدا اشىربايەۆا سپورتتىق مانسابىن اياقتاپ، شىمكەنتتە اننا اليابيەۆانىڭ مەكستەبىندە باپكەر قىزمەتىنە تاعايىندالدى.

ۆلاديمير سەدوۆ وليمپيادا-2008 جارىسىندا دوپينگ-سىناماسىنىڭ وڭ تاتيجە كورسەتكەنى ءۇشىن جازالاندى. 2016 جىلى ماۋسىمدا ونىڭ قان قۇرامىنان ستانازالول تابىلعان ەدى. ويىنداردا سەدوۆ ءتورتىنشى ورىن العان ەدى، الايدا حالىقارالىق وليمپيادا كوميتەتى (حوك) ونىڭ ناتيجەسن جوققا شىعاردى. ونى 2024 جىلدىڭ 1 تامىزىنا دەيىن، ياعني 8 جىلعا سپورتتان شەتتەدى.

سەدوۆ الەم بىرىنشىلىگىندە مەدالدىڭ بارلىق ءتۇرىن الدى: التىن - 2009 جىلى، كۇمىس - 2014 جىلى جانە قولا - 2011 جىلى. ول ەكى رەت ازيا چەپيونى اتاندى - 2009 جانە 2011 جىلدارى.

سەدوۆ وسىمەن ەكىنشى مارتە دوپينگ ءۇشىن جازالانىپ وتىر. ول بۇرىندارى 2006 جىلمەن 2008 ارالىعىندا رۇقسات ەتىلمەگەن پرەپاراتتى قولدانعانى ءۇشىن سپورتتان شەتتەتىلگەن ەدى.