بارشاڭىزدى قازاقستان رەسپۋبليكاسىنىڭ كونستيتۋسياسى كۇنىمەن شىن جۇرەكتەن قۇتتىقتايمىن!
قازىرگى تاڭدا بۇكىل الەم قازاقستاندى دامىعان، الدىڭعى قاتارلى مەملەكەت رەتىندە تانيدى. ۋاقىت وتكەن سايىن ەڭسەمىزدىڭ بيىكتەپ، ىرگەمىزدىڭ بەكي تۇسكەنىن ءوزىمىز دە اڭعارىپ ءجۇرمىز. وسىناۋ جۇيەلى دامۋدىڭ باستى سەبەبى تاۋەلسىزدىك بولسا، سول تاۋەلسىزدىكتىڭ سەنىمدى كەپىلى – كونستيتۋسيا!
ءبىزدىڭ بۇگىنگى اتا زاڭىمىز تاريحىمىزدا قاسىم حاننىڭ «قاسقا جولى»، ەسىم حاننىڭ «ەسكى جولى» جانە از-تاۋكەنىڭ «جەتى جارعىسى» دەگەن اتپەن بەلگىلى زاڭدار جيناعىنىڭ لايىقتى جالعاسى. ەلىمىزدىڭ باستى قۇجاتى 23 جىلدىڭ ىشىندە ءوزىنىڭ ومىرشەڭدىگىن دالەلدەپ، بەيبىتشىلىك پەن تۇراقتىلىقتىڭ بەرىك ىرگەتاسىنا اينالدى. سونىڭ ناتيجەسىندە ءبىز وسى جىلداردا شىن مانىندە زاڭ اياسىندا ءومىر سۇرەتىن ەگەمەن ەل بولىپ قالىپتاسۋدامىز.
الدىمىزدا تۇرعان ەندىگى مىندەت – وسى ەلدىگىمىزدىڭ تۇعىرىن بيىكتەتىپ، ەڭ دامىعان 30 ەلدىڭ قاتارىنا قوسىلۋ. سول جولدا بارشاڭىزعا تابىس تىلەيمىن! تاۋەلسىزدىگىمىزدىڭ التىن تۇمارىنداي بولعان اتا زاڭىمىز قابىلدانعان كۇن قۇتتى بولسىن! تاۋەلسىز قازاق ەلى جاساي بەرسىن!
ماۋلەن اشىمبايەۆ
