اقان ابدۋالييەۆ الماتى وبلىسى اكىمىنىڭ الەۋمەتتىك ماسەلەلەر بويىنشا ورىنباسارى بولىپ تاعايىندالدى، دەپ حابارلايدى Qamshy.kz اقپارات اگەنتتىگى الماتى وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.
اقان ابدۋالييەۆ 1975 جىلى الماتى وبلىسىندا دۇنيەگە كەلگەن. 2005 جىلى قۇرمانعازى اتىنداعى قازاق ۇلتتىق كونسەرۆاتوريانى ءتامامدادى.
2012 جىلى الماتى ەكونوميكا جانە ستاتيستيكا اكادەمياسىن ءبىتىردى.
ءسۇيىنباي اتىنداعى فيلارمونيادا، ەلەبەكوۆ اتىنداعى ەسترادا-سيرك كوللەدجىندە، جۇرگەنوۆ اتىنداعى قازاق ۇلتتىق ونەر اكادەمياسىندا جۇمىس ىستەدى.
2008-2015 جىلدار ارالىعىندا جۇبانوۆ اتىنداعى دارىندى بالالارعا ارنالعان ارنايى مامانداندىرىلعان مۋزىكالىق مەكتەپ-ينتەرناتىندا ەڭبەك ەتتى.
2015 جىلى 16 اقپاندا ق ر سپورت جانە مادەنيەت ءمينيسترىنىڭ بۇيرىعى بويىنشا، جامبىل اتىنداعى قازاق مەملەكەتتىك فيلارمونياسىنىڭ ديرەكتورى بولىپ تاعايىندالدى. 2016 جىلدىڭ 1–ءشى ماۋسىمىنان باستاپ الماتى وبلىسىنىڭ مادەنيەت جانە مۇراعات باسقارماسىنا باسشىلىق ەتتى.
