اقتوبەدە №19 مەكتەپتىڭ ءبىتىرۋشى تۇلەگىن ءولتىردى دەگەن «التىن بەلگى» يەگەرىنە بەكنازعا قاتىستى سوت وتىرىسى ءوتتى. پوليسيا قىزمەتكەرىنىڭ ۇلى تاماعىنا تيگەن پىشاق سوققىسىنان كەيىن قازا تاپقان دەپ جازادى Qamshy.kz اقپارات اگەنتتىگى aktobetimes.kz سايتىنىڭ دەرەگىن نەگىزگە الىپ.
31 تامىزدا وسى ىسكە قاتىستى الدىن الا سوت تىڭداۋى وتكەن بولاتىن. سوت وتىرىسىندا كۇدىكتى ك.بەكنازعا القيبيلەر القاسىن پايدالانۋ ۇسىنىلعانمەن ول ودان باس تارتتى. سوتتالۋشىنىڭ زاڭگەرى سوت وتىرىسىندا ەكى قىز بەن سىنىپتاستارىن قىلمىستىق ءىس بويىنشا امبۋلاتورلىق كارتاعا تىركەۋ ارقىلى شاقىرۋدى سۇرادى. بەكناز توبەلەس كەزىندە جاراقات العانىن جانە ءمۇعالىم مەن وقۋ ءىسىنىڭ مەڭگەرۋشىسىنەن ءوزىنىڭ سيپاتتامالارىن الىپ، الەۋمەتتىك جەلىدە سوڭعى رەت كىممەن سويلەسكەنى، تەلەفون جازباسىن سوت ىسىنە قوسۋدى سۇرادى.
ەسكە سالساق № 19 مەكتەپتىڭ وقۋشىسى ازات ءدۇسىپوۆ 17 ماۋسىمدا «اقتوبە» - «ورداباسى» فۋتبول ويىنان كەيىن ولتىرىلگەن.
ازاتتىڭ دوستارىنىڭ ايتۋى بويىنشا، جابىرلەنۋشى مەن كۇدىكتى دە سول كۇنى ورتالىق ستاديوندا بولعان، ءبىراق ءبىرىن-بىرى تانىماعان. ەكەۋىنىڭ اراسىنداعى كيكىلجىڭ تۇنگى ساعات 12 شاماسىندا تۇرگەن كوشەسىنىڭ بويىنداعى جاتاقحانا عيماراتىنىڭ ارتىندا بولعان. توبەلەس بولعان جەردە باقىلاۋ كامەرالارى بولماپتى..
تاماققا تيگەن پىشاقتان 17 جاستاعى مەكتەپ تۇلەگى وبلىستىق كليناكالىق بالالار اۋرۋحاناسىندا قايتىس بولعان.
ك.بەكنازعا تۋعان كۇنى 8 تامىزدا ايىپ اكتىسى تاپسىرىلدى. وعان ق ر قىلمىستىق كودەكسىنىڭ 99-بابىنىڭ 2-بولىگى، 9 جانە 14-تارماقتارى بويىنشا («كامەلەتكە تولماعان ادامدى بۇزاقىلىق نيەتپەن ءولتىرۋ») ايىپ تاعىلدى. كىناسى دالەلدەنسە، وسى باپ بويىنشا 15 جىلدان 20 جىلعا دەيىن نەمەسە ءومىر بويىنا باس بوستاندىعىنان ايىرۋ جازاسى قولدانىلادى.
سونىمەن بىرگە مارقۇمنىڭ اكەسى اقتوبەنىڭ پوليسيا قىزمەتكەرى بولىپ جۇمىس ىستەيتىنى سوتتا ايتىلدى. باستى سوت وتىرىسى 2018 جىلى 3 قىركۇيەكتە وتەدى.
