قازاقستاندىق اۋىر اتلەت يليا يلين ديزكۆاليفيكاسيانىڭ ۋاقىتى اياقتالىسىمەن ۇلتتىق چەمپيوناتتا جەڭىسكە جەتىپ، وتانداستارىنا ارناپ ۆيدەو ۇندەۋ جاريالادى.
قازاقستاندىق چەمپيون ەكى جىلدا ءوزىن قولداپ، سەنگەندەرگە ەرەكشە العىسىن ءبىلدىردى.
«بارىڭىزگە سالەم! مىنە، كوپتەن كۇتكەن التىنىم. بۇگىن ول مەندىك بولدى، جەڭىپ الدىم. مەنى قولداپ-قولپاشتاپ جۇرگەن دوستارىما العىس ايتقىم كەلەدى»، - دەدى ول.
اتلەتتىڭ بۇل جەڭىسى سوڭعى ەمەس.
«بۇگىن مەن ءۇشىن العاشقى ستارت بولدى، مەن ورالدىم. ەندى كوبىرەك جاتتىعىپ، الەم چەمپيوناتىن باعىندىرسام دەيمىن. ماقساتىم – وليمپيادا ويىندار»، - دەپ جوسپارىمەن دە ءبولىستى.
يليا ءيليننىڭ ايتۋىنشا، سپورتتان شەكتەۋ ۋاقىتىنان كەيىنگى العاشقى جەڭىسى ءوزىن قولداعان دوستارى مەن جاقىندارىنا ورتاق.
«بۇل ءبىزدىڭ ورتاق مەدالىمىز»، - دەپ ءسوزىن قورىتىندىلادى يلين.
ايتا كەتەيىك، ءۇش جىلدىق ۇزىلىستەن كەيىن ۇلكەن سپورتقا قايتا ورالعان داڭقتى اۋىراتلەت يليا يلين قازاقستان بىرىنشىلىگىن جەڭىپ الدى.
تالدىقورعاندا ءوتىپ جاتقان ەل چەمپيوناتىندا يلين 102 كەلى سالماق دارەجەسىندە ونەر كورسەتكەن بولاتىن. ول قوس جاتتىعۋدىڭ ناتيجەسىندە 380 كەلىنى (172+208) باعىندىرىپ، جارىس جەڭىمپازى اتاندى.
پىكىر قالدىرۋ