الماتى قالاسى مەملەكەتتىك ەڭبەك ينسپەكسياسى جانە كوشى-قون باسقارماسىنىڭ كوشى-قون ءبولىمى قالا تۇرعىندارىنا مىنا جاعدايدى حابارلايدى: قازاقستان رەسپۋبليكاسىنىڭ «حالىقتىڭ كوشى-قونى تۋرالى» زاڭىنا سايكەس، ەلىمىزدىڭ ازاماتتارى شەت ەلدەردە تۇراتىن ەتنيكالىق قازاقتاردىڭ تۋىستارىن اتامەكەندەگى وتباسىمەن بىرىكتىرۋ ماقساتىندا قونىستاندىرۋعا شاقىرتۋ قاعازىن جىبەرە الادى.
بۇل رەتتە «وتباسىن بىرىكتىرۋ تۋرالى» شاقىرتۋ قاعازى ق ر دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشى اتىنان 2016 جىلعى 13 قاڭتارداعى №13 بۇيرىعىمەن بەكىتىلگەن قاعيدامەن رەتتەلەتىن بولادى.
ەسكەرتەتىنىمىز، ءوتىنىش بەرۋشى – شەت ەلدەردە تۇراتىن ەتنيكالىق قازاقتاردى تاريحي وتانىنداعى تۋعان-تۋىس، وتباسىمەن بىرىكتىرۋ ءۇشىن قونىستاندىرۋ ماقساتىندا ءوتىنىش بىلدىرەتىن ادام قازاقستان رەسپۋبليكاسىنىڭ ازاماتى بولۋى ءتيىس. بۇل رەتتە تۋىستار دەپ - ۇلكەن اتاسى مەن ۇلكەن اجەسىنە دەيىنگى ورتاق جاقىندىعى بار تۋىستىق قاتىناستاعى ادامدار سانالادى. دەمەك، قازاقستان رەسپۋبليكاسىنىڭ ازاماتتارى شەت ەلدەردە تۇراتىن ەتنيكالىق قازاقتاردى اتا-جۇرتتاعى وتباسىمەن بىرىكتىرۋ ماقساتىندا قونىستاندىرۋ ءۇشىن ءوتىنىش بىلدىرگەن جاعدايدا، الماتى قالاسى مەملەكەتتىك ەڭبەك ينسپەكسياسى جانە كوشى-قون باسقارماسىنا ءوتىنىش بىلدىرۋشىلەردىڭ شاقىرۋلارى وتىنىشتەرىن قابىلداعان كۇننەن باستاپ، بەس جۇمىس كۇنى ىشىندە قارالادى جانە كۋالاندىرىلادى.
ال ەگەر ءوتىنىش ءبىلدىرۋشى قاعيدادا كوزدەلگەن قۇجاتتاردى تولىق كولەمدە ۇسىنباعان جانە (نەمەسە) بەلگىلەنگەن نىسان بويىنشا تولتىرماعان جاعدايدا، وندا باسقارما ءۇش جۇمىس كۇنى ىشىندە ءوتىنىش بەرۋشىگە جازباشا نەگىزدەمەدە (ۇسىنىلماعان جانە (نەمەسە) بەلگىلەنگەن نىسان بويىنشا تولتىرىلماعان قۇجاتتاردى كورسەتە وتىرىپ) جاۋاپ جازىپ، قايتارىپ جىبەرە الادى.
جالپى الماتى قالاسى مەملەكەتتىك ەڭبەك ينسپەكسياسى جانە كوشى-قون باسقارماسى تولە بي كوشەسى، 155ء-ۇي مەكەن-جايىندا ورنالاسقان.
ك.گالييەۆا،
الماتى قالاسى مەملەكەتتىك ەڭبەك ينسپەكسياسى جانە كوشى-قون باسقارماسى
كوشى-قون ءبولىمىنىڭ باسشىسى
پىكىر قالدىرۋ