بۇگىن ۇلتتىق ەكونوميكا ءمينيسترى تيمۋر سۇلەيمەنوۆ مينيسترلىك ۇجىمىنا جاڭادان تاعايىندالعان ۆيسە-مينيستر اسەت يرعالييەۆتى تانىستىردى. بۇل تۋرالى ۆەدومستۆونىڭ باسپا ءسوز حاتشىسى سامال ىبرايەۆا Facebook پاراقشاسىندا جازدى، دەپ حابارلايدى Qamshy.kz اقپارات اگەنتتىگى.

«ونىڭ كانديداتۋراسىن تانىستىرا كەلىپ، تيمۋر سۇلەيمەنوۆ جاڭا ورىنباساردىڭ الدىندا حالىقارالىق ەكونوميكالىق ينتەگراسيا جانە حالىقارالىق ىنتىماقتاستىق، ساۋدا جانە سىرتقى ساۋدا قىزمەتى ماسەلەسىنە جەتەكشىلىك ەتۋ تۇرعانىن حابارلادى.

مينيستر جاڭا ورىنباساردىڭ جيناقتاعان تاجىريبەسىن، ءبىلىمى مەن كاسىبي داعدىسىن قويىلعان مىندەتتەرگە قول جەتكىزۋ ءۇشىن قولداناتىندىعىنا سەنىم ءبىلدىردى»، - دەپ جازدى ىبرايەۆا پاراقشاسىنا.

اسەت يرعالييەۆ قازاقستاندىق مەنەدجمەنت، ەكونوميكا جانە بولجامداۋ ينستيتۋتىنىڭ (كيمەپ) مەملەكەتتىك ساياسات ەكونوميكا سالاسىندا باكالاۆر دارەجەسىندە ۇزدىك ءتامامدادى (الماتى، قازاقستان). حالىقارالىق يونكوپينگ بيزنەس مەكتەبىن حالىقارالىق ەكونوميكا سالاسىندا عىلىم باكالاۆرى دارەجەسىمەن (Jönköping University، شۆەسيا)، يورك ۋنيۆەرسيتەتىن ەكونوميكاداعى عىلىم ماگيسترى دارەجەسىمەن (University of York، ۇلىبريتانيا)، نوتتينگەم ۋنيۆەرسيتەتىن ەكونوميكاداعى فيلوسوفيا ماگيسترى دارەجەسىمەن (The University of Nottingham، ۇلىبريتانيا) اياقتادى.

اسەت يرعالييەۆ لوندون ەكونوميكا جانە ساياسي عىلىمدار مەكتەبىنىڭ PhD دوكتورى دارەجەسىن يەمدەنگەن (لوندون، ۇلىبريتانيا).

ەڭبەك جولىن لوندونداعى ەۋروپالىق دامۋ جانە قايتا قۇرۋ بانكىنىڭ (ەدقب) شىعىس ەۋروپا، كاۆكاز جانە ورتالىق ازيا بويىنشا ەكونوميكا دەپارتامەنتىنىڭ اۋماقتىق ەكونوميستى رەتىندە باستاعان.

2013 جىلعى قاڭتاردان باستاپ 2016 جىلعى ماۋسىم ارالىعىندا «ەكونوميكالىق زەرتتەۋلەر ينستيتۋتى» اق كاسىپكەرلىكتى دامىتۋ ورتالىعىنىڭ ديرەكتورى، باسقارما ءتوراعاسىنىڭ ورىنباسارى، باسقارما ءتوراعاسى لاۋازىمدارىن اتقارعان.

2016 جىلعى جەلتوقساننان باستاپ 2017 جىلعى شىلدە ايىنا دەيىن قازاقستان رەسپۋبليكاسى پرەمەر-مينيسترىنىڭ كەڭەسشىسى بولىپ قىزمەت ىستەگەن.

2017 جىلعى تامىزدان باستاپ قازاقستان رەسپۋبليكاسى پرەمەر-مينيسترى كەڭسەسىنىڭ جوبالاۋدى باسقارۋ ورتالىعىندا جۇمىس ىستەدى.

ۆيسە-مينيستر قىزمەتىنە تاعايىندالعانعا دەيىن قازاقستان رەسپۋبليكاسى پرەمەر-مينيسترى كەڭسەسىنىڭ جوبالاۋدى باسقارۋ ورتالىعىنىڭ مەڭگەرۋشىسى لاۋازىمىن اتقاردى.