الماتىدا قازاقستان رەسپۋبليكاسىنىڭ كونستيتۋسياسى كۇنىنە ارنالعان «قازىرگى قازاقستانداعى ەتنوسارالىق جانە كونفەسسياارالىق كەلىسىم مودەلى» اتتى الماتى قالالىق عىلىمي-ادىستەمەلىك كونفەرەنسياسى ءوتتى.

2018 جىلعى 29 تامىزدا ءال-فارابي اتىنداعى قازاق ۇلتتىق ۋنيۆەرسيتەتى كىتاپحاناسىنىڭ ءماجىلىس زالىندا الماتى قالاسى ءدىن ىستەرى جونىندەگى باسقارماسىنىڭ مەملەكەتتىك الەۋمەتتىك تاپسىرىسى اياسىندا «قازاقستان رەسپۋبليكاسىنداعى لاڭكەستىك جانە ەكسترەميزم ماسەلەلەرىن زەرتتەۋ ورتالىعى» قق ۇيىمداستىرۋىمەن قازاقستان رەسپۋبليكاسىنىڭ كونستيتۋسياسى كۇنىنە ارنالعان «قازىرگى قازاقستانداعى ەتنوسارالىق جانە كونفەسسياارالىق كەلىسىم مودەلى» اتتى الماتى قالالىق عىلىمي-ادىستەمەلىك كونفەرەنسيا ءوتتى.

كونفەرەنسيانىڭ ماقساتى: قازىرگى قازاقستانداعى ەتنوسارالىق جانە ءدىنارالىق كەلىسىم مودەلدەرىن قالىپتاستىرۋدىڭ كونستيتۋسيالىق نەگىزدەرىن قازاقستان رەسپۋبليكاسىنداعى زايىرلىلىق پرينسيپتەرىن ءتۇسىندىرۋ جانە ناسيحاتتاۋ، ءداستۇرلى دىندەردىڭ قۇندىلىقتارىن دارىپتەي وتىرىپ، جاستاردىڭ رۋحاني ادامگەرشىلىگىن قالىپتاستىرۋ، تۇرعىندار اراسىندا تولەرانتتى سانانى قالىپتاستىرۋ، جاستار اراسىندا ەتنوسارالىق جانە كونفەسسياارالىق كەلەڭسىزدىكتەرگە جول بەرمەۋ.

كونفەرەنسياعا الماتى قالاسى ءدىن ىستەرى جونىندەگى باسقارما باسشىسىنىڭ ورىنباسارى قيقىموۆ ن.م.، «قازاقستان رەسپۋبليكاسىنداعى لاڭكەستىك جانە ەكسترەميزم ماسەلەلەرىن زەرتتەۋ ورتالىعى» قق قۇرىلتايشىسى بيشمانوۆ ك.م.، ءال-فارابي اتىنداعى قازۇۋ فيلوسوفيا جانە ساياساتتانۋ فاكۋلتەتىنىڭ دەكانى، فيلوسوفيا عىلىمدارىنىڭ دوكتورى، پروفەسسور ماساليموۆا ءا.ر.، ق ر بعم عك فيلوسوفيا، ساياساتتانۋ جانە ءدىنتانۋ ينستيتۋتى ءدىنتانۋ ءبولىمىنىڭ مەڭگەرۋشىسى، «ءدىنتانۋشىلار كونگرەسى» قب ءتوراعاسى، فيلوسوفيا عىلىمدارىنىڭ دوكتورى، پروفەسسور ساتەرشينوۆ ب.م.، ءال-فارابي اتىنداعى قازۇۋ ءدىنتانۋ جانە مادەنيەتتانۋ كافەدراسىنىڭ مەڭگەرۋشىسى، «ءدىنتانۋلىق زەرتتەۋلەر جانە ەكسپەرتيزا ورتالىعىنىڭ» ديرەكتورى قۇرمانالييەۆا ا.د.، ءدىن سالاسىنداعى الدىڭعى قاتارلى ماماندار جانە ستۋدەنتتەر قاتىستى.