ورتالىق كوممۋنيكاسيالار قىزمەتىندە «100 جاڭا ەسىم» جوباسىنىڭ جاڭا كەزەڭىنە قاتىسۋشى ۇمىتكەرلەردى قازاقستان بويىنشا ىرىكتەۋگە ارنالعان باسپاسوز-كونفەرەنسياسى ءوتتى، دەپ حابارلايدى Qamshy.kz اقپارات اگەنتتىگى Baq.kz سايتىنىڭ دەرەگىن نەگىزگە الىپ. 

شاراعا «قازكونتەنت» اق باسقارما ءتوراعاسى ەۆگەنيي كوچەتوۆ، «بولاشاق» رق جانە جقب «ءجاستارۇنى» ءتوراعاسى داۋرەن بابامۋراتوۆ، "قازاقستاننىڭ ازاماتتىق اليانسى" ءزتب-نىڭ ديرەكتورى گامال تۇزەلبايەۆ، قازاقستان رەسپۋبليكاسى كاسىپوداقتار فەدەراسيا ءتوراعاسىنىڭ ورىنباسارى ەرلان سايروۆ جانە «بولاشاق» قاۋىمداستىعى كەڭەسىنىڭ ديرەكتورى لاۋرا دەمەسىنوۆا قاتىستى.

«بيىل دا «100 جاڭا ەسىم» جوباسى قازاقستانداعى ەرەكشە تالانتى مەن تۇلعالىق سيپاتقا يە ادامداردى ىزدەپ، جوباعا بەلسەنە قاتىسۋعا شاقىرادى. اتالعان جوبا كاسىبي سالادا جەتىستىككە جەتكەن، ءوز دارا جولى وزگەگە ۇلگى بولاتىن ادامدارعا ارنالعان» - دەيدى ەرلان سايروۆ.

ال وسى جىلعى كونكۋرسقا قاتىسۋشىلارعا قويىلاتىن تالاپتىڭ وتكەن جىلعىمەن سالىستىرعاندا كوپ وزگەشەلىگى جوق.

«نەگىزىنەن جەكە كاسىپ يەلەرىنە، جەكەلەگەن ءوندىرىس ورىندارىنا ايرىقشا ءمان بەرىپ وتىرمىز. بۇل كونكۋرسقا قاتىسۋشى تۇلعانىڭ تانىلۋىنا، جارناماسىنىڭ جۇيەلى جۇرگىزىلۋىنە ىقپال ەتەدى دەپ ويلايمىز» - دەيدى داۋرەن بابامۇرات.

ەستەرىڭىزگە سالا كەتەيىك، ەكىنشى ماۋسىمعا قاتىسقىسى كەلەتىندەر مىنا جەردەن تىركەلە الادى.