الماتىدا كولىك قوزعالىسىن قالت جىبەرمەيتىن «سەرگەك» كامەرالارى ىسكە قوسىلدى.
الماتىدا «سەرگەك» كامەراسى ىسكە قوسىلدى. تاس جولداعى ءتارتىپتى مۇقيات باقىلايتىن بەينەكامەرانىڭ بۇل ءتۇرى ازىرگە تەك اباي داڭعىلى مەن سەيفۋللين كوشەسىنىڭ قيىلىسىندا ورنالاسقان. ال جاقىن كۇندەرى شيەۆچەنكو جانە پانفيلوۆ كوشەلەرىنە دە قويىلماق.
«سەرگەك» قازىرشە تەستىلىك رەجيمدە جۇمىس ىستەپ تۇر. دەمەك، كامەرالار جول ەرەجەسىن بۇزعانداردى انىقتاعانىمەن، ولارعا ايىپپۇل جازىلمايدى. جۇرگىزۋشىلەرگە مۇنداي راقىمشىلىق قاشانعا دەيىن جالعاسادى؟
«بۇگىنگى كۇنى قالادا ءبىر اپپاراتتىق جۇيە قويىلدى. ول اباي داڭعىلىندا ورنالاسقان. نەگىزى، ونى قويار الدىندا ارينە، كوپ جۇمىس اتقارىلادى. پوليسيا كولىك ەڭ كوپ جۇرەتىن جەرلەردى تاڭداپ، اۆتوبۋس پەن ۆەلوسيپەدتىڭ ارنايى جولدارى بار كوشەلەرگە 20 شاقتى اپپاراتتىق جۇيە ورنالاستىرادى. ارينە، بىردەن ايىپپۇل جازىلا باستامايدى. ول الدىمەن 2018 جىلدىڭ سوڭىنا دەيىن پيلوتتىق رەجيمدە جۇمىس ىستەيدى. ەڭ باستىسى، كولىك جىلدامدىقتى اسىرسا، ايىپپۇل سالادى. سونداي-اق، قىزىل باعدارشامعا وتكەندە جانە اۆتوبۋس پەن ۆەلوسيپەدتىڭ ارنايى جولدارىنا شىققاندا، ايىپپۇل سالىنادى»، – دەدى جوبانى جۇزەگە اسىرۋشى كومپانيا جەتەكشىسى اسەت احمەتوۆ.
پىكىر قالدىرۋ