قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ادەپ جونىندەگى ۋاكىلىنىڭ الماتى قالاسىنا جۇمىس ساپارمەن كەلدى.

اعىمداعى جىلدىڭ 28 تامىزىندا قازاقستان رەسپۋبليكاسىنىڭ مەملەكەتتىك قىزمەت ىستەرى جانەسىبايلاس جەمقورلىققا قارسى ءىس-قيمىل اگەنتتىگىنىڭ ادەپ جونىندەگى ۋاكىلى بايعاسكينا زينا ساپۋانقىزىالماتى قالاسىنا جۇمىس ساپارىمەن بولدى.

مەملەكەتتىك قىزمەت ىستەرى جانەسىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى قىزمەتكەرلەرى جانە سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ قىزمەتكەرلەرىمەن بىرلەسكەن سەمينار-جيىن وتكىزىپ، سەمينار بارىسىندا، بايعاسكينا ز.س. قاتىسۋشىلاردى ادەپ جونىندەگى ۋاكىل ينستيتۋتىنىڭ ماقساتتارى مەن مىندەتتەرى تۋرالى اتاپ ءوتتى. وعان قوسا، ءوزىنىڭ قۇزىرەتى شەگىندە كونسۋلتاسيالىق كەڭەستەر بەرىپ، قاتىسۋشىلاردى قىزىقتىرعان ماسەلەلەرگە جاۋاپتار بەردى. سونىمەن قاتار، مەملەكەتتىك قىزمەتشىلەردىڭ قۇقىقتارىن ساقتاۋ بويىنشا ساۋالناما وتكىزدى.

الماتى قالاسى اكىمدىگى عيماراتىندا بايعاسكينا ز.س. الماتى قالاسىنىڭ اۋماقتىق جانە جەرگىلىكتى مەملەكەتتىك ورگانداردىڭ ادەپ جونىندەگى ۋاكىلدەرىنىڭ قاتىسۋىمەن كەزدەسۋ وتكىزدى. كەزدەسۋ بارىسىندا، الماتى قالاسىنداعى مەملەكەتتىك ورگانداردىڭادەپ جونىندەگى ۋاكىلدەرىنىڭ قىزمەتىندەگى ماسەلەلەر كوتەرىلدى.

وعان قوسا، مەملەكەتتىك قىزمەتشىلەرگە كورسەتىلەتىن مەديسينالىق قىزمەتتەردىڭ تالاپتارىمەن تانىسۋ ماقساتىندا «ورتالىق كلينيكالىق اۋرۋحانا» اكسيونەرلىك قوعامىنا باردى.

بايعاسكينا ز.س. الماتى قالاسى اكىمدىگىنىڭ «OpenAlmaty» قوعامدىق قابىلداۋىندا بولىپ، ونىڭ جۇمىسىمەن تانىستى.ايتا كەتەرلىك جايتا،قوعامدىق قابىلداۋعا كەلگەن كەز-كەلگەن ازامات كەڭەس الىپ، اكىمدىكتىڭ باسقارمالارى، پروكۋراتۋرا، ىشكى ىستەر دەپارتامەنتى، مەملەكەتتىك كىرىستەر دەپارتامەنتى، توتەنشە جاعدايلار بويىنشا دەپارتامەنتى، «ازاماتتارعا ارنالعان ۇكىمەت» مەملەكەتتىك كورپوراسياسى مەن «كاسىبي مەدياتورلار» قوعامدىق ۇيىمى قىزمەتىنە ءقاتىستىوزىنىڭ وتىنىشتەرىن قالدىرۋىنا بولادى. 

الماتى قالاسىنداعى جۇمىس ساپارىنىڭ ناتيجەسى بويىنشا بايعاسكينا ز.س. دەپارتامەنت قىزمەتىنە ءوزىنىڭ وڭ باعاسىن بەردى.