كەشە قازاقستان رەسپۋب­ليكاسى پارلا­مەنتى سەناتىنىڭ دەپۋتاتتارى تولەۋبەك مۇقاشيەۆ پەن دينار نوكەتايەۆا «الماتى اقشامى» گازەتىنىڭ رەداكسيا­سىندا قوناقتا بولىپ، ۇجىمدى 30 جىلدىق مەرەيتويىمەن قۇتتىقتادى.

باسقوسۋدىڭ كىرىسپە سوزىندە «الماتى اقشامى» گازەتى ءجشس-نىڭ ديرەكتورى–باس رەداكتورى قالي سارسەنباي ارنايى كەلگەن قۇرمەتتى قوناقتاردى باسىلىمنىڭ تاريحىمەن تانىستىردى. بۇگىنگى تاڭدا باسىلىمنىڭ كوتەرىپ جۇرگەن تاقىرىپتارىنىڭ ماڭىزدىلىعىنا توقتالىپ، رەداكسيانىڭ قازىرگى تىنىس-تىرشىلىگىنەن دە از-كەم اڭگىمەلەپ بەردى. سونىمەن قاتار، اقپارات قۇرالدارىنىڭ قازىرگى قوعامدا ۇلكەن ماڭىزعا يە ەكەندىگىن ايتىپ، قوناقتارعا ۇجىمدى تانىستىردى.

– «مىڭ جاساعان شاھاردىڭ شامشىراعى – «الماتى اقشامى» گازەتى  اقپارات ايدىنىندا وزىندىك ورنىن تاۋىپ، قازىرگى تاڭدا زيالى دا ۇلتجاندى ازاماتتاردىڭ، قاراپايىم قالا تۇرعىندارىنىڭ رۋحاني-مادەني سەرىگىنە اينالا ءبىلدى. باسىلىمنان رۋح لەبى ەسەدى. شىعارماشىلىق دەڭگەيىن ۇنەمى ۇشتاپ وتىراتىن باسىلىم ءوزىنىڭ 30 جىلدىق مەرەيتويىن لايىقتى بيىگىندە قارسى الىپ وتىرعانىنا سەنىمدىمىن»، – دەپ  اتاپ ءوتتى سەنات دەپۋتاتى دينار نوكەتايەۆا.

ال سەنات دەپۋتاتى تولەۋبەك مۇقاشيەۆ ەلدىڭ وي-ورەسىن كوتەرەتىن ەڭ اۋەلى باسپا ءسوز ەكەنىن تىلگە تيەك ەتتى.

– قازىرگى تاڭدا ءباسپاسوزدىڭ ءمانى دە، ماڭىزى دا ارتا ءتۇستى. گازەت ۇجىمدىق ناسيحاتشى، قوعامدىق پىكىر تۋعىزۋشى، قالا بەردى  قوعامدىق ويدى قوزعاۋشى كۇش. وسى رەتتە جۋرناليستەردىڭ قالام سىلتەر تاقىرىپ­تارىنىڭ اياسى ەلباسى نۇرسۇلتان نازاربايەۆ ءجيى ايتاتىن ينتەللەكتۋالدى ۇلت قالىپتاستىرۋعا، ەلدىڭ رۋحاني دەڭگەيىن كوتەرۋگە سەپتىگىن تيگىزەتىن ماقالالاردى كوبىرەك جازسا دەگەن تىلەك بىلدىرەمىن، – دەدى ول.

سونىمەن قاتار، كەزدەسۋدە سەنات دەپۋتاتتارى باسىلىم ۇجىمىمەن ساليقالى اڭگىمە ءوربىتىپ، ەلباسى ن.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن حالىققا ناسيحاتتاۋ باعىتىندا جۇرگىزىلىپ جاتقان ءبىرقاتار شارالار تۋرالى اڭگىمەلەپ بەردى.

– ەلباسىنىڭ «بولاشاققا باعدار: رۋحاني جاڭ­عىرۋ» اتتى ماقالاسى –  ۇلتىمىزدىڭ بارلىق  ءسالت-داس­تۇرلەرىن، مەملەكەتتىك ءتىل، ادەبيەتىمىز بەن مادەنيەتىمىزدى، ۇلتتىق رۋحىمىزدى جاڭعىرتۋ كەرەك دەگەن اسىل ۇعىمعا كەلىپ سايادى. ەلباسىمىزدىڭ رۋحاني جاڭعىرۋعا، رۋحانياتقا، ءبىلىم مەن عىلىمعا ماڭىز بەرۋى – ۇلكەن كورەگەندىك، – دەپ اتاپ ءوتتى تولەۋبەك مۇقاشيەۆ.

دەپۋتاتتارمەن بولعان كەزدەسۋدە الماتى قالا­سىنىڭ ەلىمىزدەگى بارلىق سالادا الدا ەكەندىگىنە قاتىستى كوپ اڭگىمەلەر ايتىلدى. سونىمەن قاتار، قازاق رۋحانياتىنىڭ وزەكتى ماسەلەلەرى، مادەنيەتتىڭ قوعامدىق ومىردەگى ورنى كەڭىنەن تالقىلانىپ، ۇلتتىق رۋحاني قۇندىلىقتاردى ساقتاۋ، كوتەرۋ قاجەتتىگى ءسوز بولدى.