ەلباسىمىز ن.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا وتكەن «يۋنەسكو كلۋبىنىڭ ءۇشىنشى «اكادەميالىق شىعارماشىلىق» اتتى ونەر مەرەكەسىنىڭ قورىتىندى كەشى پ.ي.چايكوۆسكيي اتىنداعى الماتى مۋزىكالىق كوللەدجىندە ءوتتى. قازاق ونەرىنىڭ بيىك شىڭى اتانعان ەرمەك سەركەبايەۆ اتىنداعى ۇلكەن زالدا وتكەن كونسەرت جاس ونەرپازدارعا رۋحاني سەرپىلىس، ونەر الەمىنە دەگەن ەرەكشە باعىت بەردى.

شىن مانىندە، قايتالانباس ونەر يەسى اتىنداعى زالدىڭ ساحناسىنا شىعىپ، ونەر كور­سەتۋدىڭ ءوزى زور مارتەبە. وسىمەن ءۇشىنشى مارتە وتكىزىلىپ وتىرعان بۇل جوبا ەڭ العاش رەت 2016 جىلى قولعا الىنعان ەدى. جوبانىڭ تىكەلەي قولداۋشىلارى يۋنەسكو كلۋبتارى مەن قازاقستان رەسپۋب­ليكاسى تۇڭعىش پرەزيدەنت-ەلباسى قورى.

بيىلعى جوباعا قاتىسۋعا 12 مەن 17 جاس ارالىعىنداعى 1000-عا جۋىق قاتىسۋشى ءوتىنىش بىلدىرگەن ەدى. بۇل شاراعا ەلىمىزدىڭ 14 وب­لىسى مەن 124 يۋنەسكو كلۋب­تارى قامتىلدى. بارلىق ءۇمىت­كەرلەر وزدەرىنىڭ تۋىندىلارىن، ەڭ ۇزدىك دەگەن جۇمىستارىن بايقاۋعا جولداعان ەدى. ءادىل­قازىلار بەس اتالىم بويىنشا بارلىق ءۇمىت­كەرلەر جولداعان جۇمىستاردى سارالاي كەلە، ەڭ ۇزدىك دەپ تانىلعان 80 ستۋدەنتتى انىقتاپ، الماتىعا شاقىردى.

– ەلىمىزدە جاستاردى قولداۋعا باعىتتالعان جوبالار وتە كوپ. ءبىزدىڭ باستى ماقساتىمىز – ەلىمىزدىڭ ەرتەڭى بولار جاستاردىڭ تانىلۋىنا جول اشۋ، – دەيدى ق ر تۇڭعىش پرەزيدەنتى قورىنىڭ ديرەكتورى سەرگەي توحتاروۆ.

جاس تالانتتاردىڭ بارلىعى ونەرلى. ولاردىڭ بىر-بىرىنەن ءبولىپ قاراۋ ەش مۇمكىن ەمەس. تالاي دارىندى، قازاق ونەرىنىڭ ماقتا­نىش­تارى ونەر كورسەتكەن ساحنادا تۇساۋى كەسىلگەن جاس­تاردىڭ اراسىنان  ءالى تالاي شوق جۇل­دىزداردىڭ شىعاتىنى انىق. جاس ونەرپازدار بەس اتالىم بويىنشا ءوز ونەرلەرىن كورسەتتى. ۇلكەن ءدالىز تورىندە جاس بوياۋ شەبەر­لەرىنىڭ كورمەسى ۇيىمداس­تىرىلدى.

قازاقستاندىق ۇلتتىق يۋنەسكو كلۋبتارى فەدەراسيا­سىنىڭ باس حاتشىسى سابينا اقجاروۆانىڭ ايتۋىنشا، «شى­عار­ماشىلىق اكادەميا» تالانتتى بالالاردىڭ ونەر الەمىنە نىق قادام جاساۋىنا مۇمكىندىك تۋعىزىپ وتىر. ويتكەنى، تەگىن ءارى وعان ءوتىنىش بىلدىرگەندەردىڭ ءبارىنىڭ قاتىسۋلارىنا بولادى. الماتىعا ەلىمىزدىڭ بارلىق وڭىرىنەن كەلگەن ونەرلى جاستار ءتۇرلى لەكسيالار، سەمينارلار مەن ترەنينگتەرگە قاتىسىپ، وزدەرىنىڭ تانىم دۇنيەلەرىن كەڭەيتتى. اسىرەسە، ت.جۇرگەنوۆ اتىنداعى ونەر اكادەمياسى مەن پ.چاي­كوۆسكيي اتىنداعى مۋزىكا ۋچيليششەسىنىڭ پەداگوگتارىنىڭ دارىستەرى ەرەكشە اسەر ەتتى.