بوستاندىق اۋدانى اكىمشىلىگىنىڭ ۇلكەن زالىنا جينالعان اتا-انالار مەن بالالار «مەكتەپكە جول» قايىرىمدىلىق ءىس-شاراسىنا قاتىسىپ، مەكتەپكە قاجەتتى قۇرال-جابدىقتارعا يە بولدى. وسىدان تۋرا ون ءبىر جىل بۇرىن ەلىمىز بويىنشا ەڭ العاش «مەكتەپكە جول» دەپ اتالاتىن قايىرىمدىلىق ءىس-شاراسى باستاۋ الىپ، تالاي بالاعا قۋانىش سىيلاعان ەدى. سول ءۇردىس ورتا جولدا ءۇزىلىپ قالماي كۇنى بۇگىنگە دەيىن جالعاسىپ كەلەدى. وسى جىلدار ىشىندە قانشاما بالانىڭ تاعدىرى وڭىنان شەشىلىپ، تالاي بالا باسقا قۇربى-قۇرداستارىنان قالىپ كەتپەي مەكتەپ پارتاسىنا وتىردى. سول بالالاردىڭ الدى بۇگىندە ازامات اتانىپ، ۇلكەن ءومىر جولىنا اتتاندى. مىنە، جاڭا وقۋ جىلى قارساڭىندا ءداستۇرلى ءۇردىس تاعى دا جالعاسىن تاۋىپ وتىر. وسىناۋ ساۋاپتى ىسكە بوستاندىق اۋدانى اكىمشىلىگى، وسى اۋداننان سايلانعان قالالىق ءماسليحات دەپۋتاتتارى، بيزنەس وكىلدەرى، مەملەكەتتىك مەكەمەلەر، باسقا دا قولى اشىق ازاماتتار كومەككە ءزارۋ وتباسىلارعا قولداۋ كورسەتىپ، كومەكتەسىپ جاتىر.

«مەكتەپكە جول» اۋداندىق اكىمشىلىكتىڭ ءماجىلىس زالىندا ءوتىپ، كوڭىلدى باعدارلاما تولقى­نىندا ءوتتى. بۇل كۇن، اسىرەسە، بيىلعى جىلى ەڭ العاش رەت مەكتەپ تابالدىرىعىن اتتاعالى وتىرعان بۇلدىرشىندەر ءۇشىن ەستە قالار­لىقتاي وقيعاعا اينالىپ وتىر. بارشا اتا-انالار مەن مەكتەپ وقۋشىلارىن بوستاندىق اۋدانى اكىمىنىڭ ورىنباسارى مارجان بالبايەۆا قۇتتىقتادى.

– ءدال ءقازىر ەلىمىزدە «مەكتەپ­كە جول» ءىس-شاراسى قىزۋ ءوتىپ جاتار. بۇگىنگى باسقوسۋدا وسى ءىس-شاراعا بەلسەنە قاتىسىپ، كومەك قولىن سوزىپ وتىرعان اۋدان كاسىپكەرلەرىنە، اۋدانىمىزدان سايلانعان قالالىق ءماسليحات دەپۋتاتتارىنا، مەملەكەتتىك مەكەمەلەر مەن بارلىق ىزگى نيەتتى جاندارعا راحمەت ايتقىم كەلەدى. بۇگىن ءبىز ءبىز وسى ءىس-شارا اياسىندا وزدەرىنىڭ قۇجاتتارىن وتكىزىپ ۇلگەرمەگەن 856 وتباسى بالاسىنا كومەك كورسەتكەلى وتىرمىز. سونىمەن قاتار، جالپى بىلىممەن قامتۋ قورى ەسەبىنەن 1144 بالانى مەك­تەپكە قاجەتتى قۇرال-جابدىق­تارمەن قامتىدىق.

– جاڭا وقۋ جىلى قۇتتى بولسىن! اسىرەسە، بيىلعى جىلى مەكتەپ تابالدىرىعىن اتتاعالى وتىرعان 3718 ءبۇلدىرشىننىڭ 1-سىنىپ وقۋشىسى اتانۋىمەن قۇتتىقتايمىن، – دەگەن مارجان ەرتاي قىزى كەلەسى كەزەكتى «مەنىڭ تاڭداۋىم – بالالارعا كومەك كورسەتۋ» دەپ، وزدەرىنىڭ كومەگىن الا كەلگەن قوناقتارعا ۇسىندى. سونىمەن، قالالىق ءماسليحات دەپۋتاتى مۇحيت ازىربايەۆ – 86 بالاعا، دامير شىنىبەكوۆ – 10 بالاعا، ستانيسلاۆ كانكۋروۆ – 20 بالاعا، مارات ابدۋللايەۆ – 21 بالاعا، يسلام بايرامۋكوۆ – 20 بالاعا، ۆياچەسلاۆ بانششيكوۆ – 50 بالاعا كومەك قولىن سوزدى. ءدال وسى كۇنى «Spetr» كومپانيا­سىنىڭ وكىلدەرى ەۆگەنيي كۋچكوۆسكيي، ميحايل گرانكين، «ب.براۋن مەديكال قازاقستان» ج ش س وكىلى كسەنيا پاۆلوۆا، «L Capءىtal Fءىnance» ج ش س ديرەكتورى گۇلسىم ىڭكاربەكوۆا جانە ساتۋ جانە سەرۆيستىك قىزمەت كورسەتۋ ءبولىمى­ءنىڭ باسشىسى گۇلىم شاكە­نوۆا،  بوستاندىق اۋدانىنىڭ مەملە­كەتتىك كىرىستەر باسقارما­سىنىڭ باسشىسىنىڭ ورىنباسارى قايرات ەلەۋسىزوۆ، بوستاندىق اۋدانى ىشكى ىستەر باسقارماسىنىڭ يۋۆەنالدى پوليسيا ءبولىمى باستىعىنىڭ مىندەتىن اتقارۋشى، پوليسيا كاپيتانى ايگەرىم نۇرعالييەۆا، بوستاندىق اۋداندىق مەديسينا بىرلەستىگىنىڭ وكىلى يزاتيما جاكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ باس دارىگەرى ايگۇل ابدراحمانوۆا، بوستاندىق اۋدانىنىڭ توتەنشە جاعدايلار ءبولىمىنىڭ باس مامانى گۇلنار مادىحانوۆا بالالارعا مەكتەپكە قاجەتتى قۇرال-جابدىق، سومكە سىيلاپ، قۋانىشقا كەنەلتتى. «مەكتەپكە جول» قايىرىمدىلىق ءىس-شاراسىنا بوستاندىق اۋدانى بەلسەنە اتسالىسىپ جاتىر.