ش.سارييەۆ اتىنداعى  كوركەمسۋرەت جانە قولدانبالى-ساندىك ونەر مۋزەيىنىڭ ۇيىمداستىرۋىمەن «تۋعان جەرىن سۇيە الماعان، سۇيە الار ما تۋعان ەلىن؟» اتتى فوتوسۋرەتشىلەردىڭ وبلىستىق بايقاۋ-كورمەسى مارەسىنە جەتتى. ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىنداعى شارا حالىقارالىق جاستار كۇنىنە ورايلاستىرىلدى.

كورمە سورەلەرىنەن بايقاۋعا قاتىسۋشىلاردىڭ قالانىڭ بىرەگەيلىگىن، كورىكتى جەرلەرىن، تاريحي جانە ارحيتەكتۋرالىق ەسكەرتكىشتەرىن، رۋحاني مادەنيەتتىلىكتى كورسەتەتىن سۋرەتتەرى ورىن الدى. ۇيىمداستىرۋشىلاردىڭ ايتۋىنشا، بايقاۋعا 12 فوتوسۋرەتشىدەن بارلىعى 94 تۋىندى قابىلداندى. قازىلار القاسىنىڭ جۇمىس قورىتىندىسىمەن بەس قاتىسۋشى جۇلدەلى ورىندارعا يە بولىپ، ديپلوم جانە قارجىلاي سىيلىقتارمەن ماراپاتتالدى.

قىزىلقوعالىق ج.تالاسوۆ بايقاۋ جەڭىمپازى بولىپ تانىلدى. ال، اتىراۋ قالاسىنان قاتىسقان م.ستادنيچەنكو مەن ماحامبەت اۋدانىنىڭ قاتىسۋشىسى ت.زەينەدەنوۆا ەكىنشى ورىندى قانجىعاعا بايلاسا، يساتايلىق ج.قايىرحانوۆقا ءۇشىنشى ورىن بۇيىردى. سونداي-اق، ارىپتەسىمىز «پريكاسپييسكايا كوممۋنا» گازەتىنىڭ ءفوتوتىلشىسى ءا.ابىلعازييەۆ ءۇشىنشى ورىنعا يە بولدى. قالعان جەتى قاتىسۋشىعا العىس حاتتار تابىستالدى.