ق ر كونستيتۋسياسى كۇنىنە وراي تومارلى اۋىلىنىڭ تۇرعىندارىنا 400 ورىندىق جاڭا مادەنيەت ءۇيى پايدالانۋعا بەرىلدى، دەپ حابارلايدى وڭىرلىك كوممۋنيكاسيالار قىزمەتى.

سالتاناتتى اشىلۋ راسىمىنە اتىراۋ قالاسى اكىمىنىڭ ورىنباسارى پولىمبەت حاسانوۆ قاتىسىپ، اۋىل تۇرعىندارىنىڭ رۋحاني ءومىرىنىڭ ورتالىعىنا اينالۋ ءۇشىن وسىنداي وبەكتىلەردى تۇرعىزۋدىڭ ماڭىزدىلىعىن اتاپ ءوتتى.

– «رۋحاني جاڭعىرۋ» مەملەكەتتىك باعدارلاماسىن ىسكە اسىرۋ بارىسىندا اتىراۋدا كوپتەگەن جۇمىستار اتقارىلۋدا. اۋداندا جاڭا مۋزىكالىق مەكتەپ پەن 6 بالاباقشا، 3 مەكتەپ سالۋعا جوبالىق-سمەتالىق قۇجاتتاما جوسپارلانىپ وتىر. ولاردىڭ قۇرىلىسى كەلەسى جىلى قارجى بولىنگەننەن كەيىن باستالادى. جاقىن ارادا «جۇلدىز» شاعىن اۋدانىندا 624 ورىندىق جالپى ءبىلىم بەرەتىن مەكتەپ بەرىلەتىن بولادى. سىزدەردى مەرەكەلەرىڭىزبەن شىن جۇرەكتەن قۇتتىقتايمىن، گۇلدەنىپ،وركەندەي بەرۋلەرىڭىزدى تىلەيمىن! – دەدى پ.حاسانوۆ.

جاڭا ەكى قاباتتى مادەنيەت ءۇيى عيماراتى كىتاپحانا، وقۋ زالى، كونفەرەنسيالار مەن حورەوگرافيالىق بولمەلەر، شىعارماشىلىق ۇجىمدار مەن باسقارمالار ءۇشىن كابينەتتەر، كەڭ كونسەرت زالى، سونداي-اق زاماناۋي مۋزىكالىق جابدىقتار مەن ءتۇستى مۋزىكادان تۇرادى. مادەني جانە بۇقارالىق ءىس-شارالاردى وتكىزۋ ءۇشىن بارلىق قاجەتتى جاعدايلار جاسالعان.

ايتا كەتەيىك، وڭىردە 2017-2020 جىلدارعا ارنالعان قالانى دامىتۋ جوسپارىنىڭ اياسىندا 5 مادەنيەت ءۇيىنىڭ قۇرىلىسى جوسپارلانعان. وتكەن جىلى جۇمىسكەرگە 200 ورىندىق مادەنيەت ءۇيى تاپسىرىلدى، وسى جىلى تومارلى اۋىلىندا 400 ورىندىق مادەني ورتالىقتىڭ قۇرىلىسى اياقتالدى. جىل سوڭىنا دەيىن اقساي مەن اتىراۋ اۋىلدىق وكرۋگتەرىندە تاعى ەكى مادەنيەت ءۇيى بەرىلەتىن بولادى. قازىرگى ۋاقىتتا ەركىنقالا اۋىلدىق وكرۋگىندە 200 ورىندىق مادەنيەت ءۇيىنىڭ قۇرىلىسى باستالدى.