مۋزارت توبىنىڭ ءانشىسى ساكەننىڭ ءىنىسى رومان جاقىندا اكە اتاندى. “ۇلكەن اكە” دەگەن اتاققا يە بولعان ساكەن ءۇشىن بيىل توي جىلى بولىپ وتىر.
سەبەبى، تاياۋدا دوسى مەيرامبەك تە ءسابيلى بولعان ەدى. كەزىندە دو-ما-جور توبىندا ونەر كورسەتكەن رومان مايعازييەۆ كەشە الماتى قالاسىنداعى 3ء-شى پەرزەنتحانادان جارى ەلميرا مەن ءسابيىن شىعارىپ الدى.
وسىدان ءتورت كۇن بۇرىن دۇنيە ەسىگىن اشقان ۇلىنىڭ ەسىمىن راسۋل دەپ قويىپتى. تۇڭعىش ۇلى رامازانعا ۇقساتىپ قويعان بولۋى كەرەك.
دوستارىمەن بىرگە كۇتىپ الۋدى ءجون ساناعان رومان ماشينانىڭ ءىشىن گۇل شوقتارى مەن شارلارعا تولتىرىپتى. ءانشىنىڭ شاش باۋىن كوتەرۋگە ءوزىنىڭ دوسى، ءبىر توپتا ءان سالعان ەرمەك مۇقاشوۆ تا وسى جەردەن تابىلىپتى.
