"200 تەڭگە روزىباكييەۆ كوشەسىنە دەيىن"، -دەپ اتاكەنتتەن تاكسيگە وتىردىم.
"قىزىم، 200 تەڭگەگە نە الۋعا بولادى؟"، -دەپ جۇرگىزۋشى كۇلدى.
بالا كۇننەن ەسىمىن ەستىپ وسكەن ءابدىراحمان اسىلبەك اعامىزبەن وسىلاي تانىستىم. ول كەزدە 7-ارنادا ءتىلشىمىن.
تاكسي جۇرگىزۋشىنىڭ وتە اتاقتى اقىن ەكەنىن بىلگەندە ۇيالىپ كەتتىم. ول كىسىنىڭ قاراپايىمدىلىعىنا ريزا بولدىم. ۇيگە جەتكەنشە اڭگىمە ايتتى.
اقىن جاتاقحانادا تۇرامىن دەگەندە كوزىم شاراداي بولدى. قازاقتىڭ كەڭ بايتاق دالاسىندا بارلىق ۇيلەنۋ تويدا شىرقالاتىن "جار-جار" ءانىنىڭ اۆتورىنىڭ باسپاناسى جوق، جولاۋشى تاسىمالداپ جۇرگەنىن ەستىگەندە تالانتتى جانداردى نەگە قۇرمەتتەمەيمىز دەپ قىنجىلدىم. ءبىراق ول كىسىنىڭ قاراپايىمدىلىعى مەنى تاڭ قالدىرعان ەدى.
2016 جىلى 31-ارنادا "نەگە؟" باعدارلاماسىنا اقىننىڭ ""جار-جار" تۋىندىسى جايىندا سيۋجەت جاسادىق. ءوزىنىڭ دوسىنىڭ ۇيلەنۋ تويىنا ارناپ جازىپ، "جار-جار" ءانى قازاق دالاسىنا جىلدام تارايدى.
ءبىراق اۆتورعا ءانى ءۇشىن ەشكىم ءبىر تيىن تولەمەدى. اقىن دا اقى تولە دەپ ەشكىمنەن سۇراعان جوق.
ەگەر تىڭداۋشىلار انگە تيىن-تەبەن تولەگەندە ءابدىراحمان اسىلبەك الەمگە ايگىلى ميلليونەردىڭ ءبىرى بولار ەدى. ءبىراق قازاق جەرىنىڭ قازبا بايلىعىن ساتىپ مالدانعان بايلارداي ەمەس، بۇل كىسى ونەرىمەن، ەڭبەگىمەن مول بايلىققا كەنەلەر ەدى.
بۇگىن اقىن اعا دا ومىردەن ءوتتى.
جازيرا بەگالى
