2015 جىلدىڭ ءساۋىر ايىنىڭ 9 جۇلدىزىندا سۋلەيمان دەميرەل اتىنداعى ۋنيۆەرسيتەتتە «دارىن» رەسپۋبليكالىق عىلىمي-پراكتيكالىق ورتالىعىمەن بىرگە ۇيىمداستىرعان جانە دە قازاقستان رەسپۋبليكاسى ءبىلىم جانە عىلىم مينيسترلىگىنىڭ قولداۋىمەن حالىقارالىق «Infomatrix» (ينفوماتريكس) اتتى كومپيۋتەرلىك جوبا جارىسىنىڭ اشىلۋ سالتاناتى ءوتتى.
اتالمىش عىلىم مەن يننوۆاسيالىق كەشەندى جوبالاردى قامتيتىن بۇل سايىسقا 25 مەملەكەتتەن 400-گە جۋىق بىلىمگەرلەر كەلدى. سايىستىڭ باستى ماقساتى – ەلىمىزدەگى جانە شەت مەملەكەتتەردەگى 10-11 سىنىپ وقۋشىلارى اراسىنداعى زاماناۋي تەحنولوگيانىڭ دامۋ بارىسىن تالقىلاۋ.
اشىلۋ سالتاناتىندا ءسوز سويلەگەن ۇيىمداستىرۋ كوميتەتىنىڭ ءتوراعاسى اسسيست. پروفەسسور سەليم گيۋۆەردجين ءبىلىم جانە عىلىم مينيسترلىگىنىڭ قولداۋىمەن ءوتىپ جاتقان بۇل ءىس-شارانىڭ ەلىمىزدىڭ ماقتانىشى ەكەنىن جەتكىزدى.
اشىلۋ بارىسىندا استانادا وتەتىن EXPO-2017 تۇرالى اقپارات بەرگەن ۇيىمداستىرۋ كوميتەتى 25 ەلدەن كەلگەن دارىندى قاتىسۋشىلاردى وسى اۋقىمدى EXPO-2017 بەلسەندىلىك تانىتۋلارىن ۇسىندى.
وسى جىلى ءوتىپ جاتقان Infomatrix جوبا جارىسىنىڭ ەرەكشەلىگى سولتۇستىك، وڭتۇستىك امەريكانىڭ، كانادا جانە ۆەنەسۋەللا ەلدەرىنىڭ قىزىعۋشىلىق تانىتقانى بولدى.
ىرىكتەۋ كەزەڭىنەن، ەلىمىزدەن 1200-گە جۋىق قاتىسۋشىدان تەق قانا 240 قاتىسۋشى ال شەتەل مەملەكەتتەرىنەن 528-گە جۋىق قاتىسۋشىدان تەق قانا 144 قاتىسۋشىنىڭ ءوتۋى جوبا دەڭگەيىنىڭ قانشالىقتى جوعارى ەكەندىگىن ەسكەرتكەن ۋنيۆەرسيتەتتىڭ ءبىرىنشى پرورەكتورى پروفەسسور، دوكتور سالاتانات ءنۇرادل قىزى بارلىق قاتىسۋشىلارعا ساتتىلىك تىلەدى.
سونداي-اق، سايىسقا قاتىسۋشىلار مەن قوناقتار ءۇشىن سدۋ جاڭا كامپۋسىندا اقشاڭقان كيىز ۇيلەر تىگىلىپ، ۇلتتىق ويىندار وينالدى. اۋەلەگەن ءان شىرقالىپ، ناۋرىز كوجە تاراتىلدى.
http://www.youtube.com/watch؟v=u51trA_d3Qsتۇركيالىق ومەر باكاش پەن حۋسەين سيەۆيم سەنسور ارقىلى جۇمىس جاسايتىن روبوت قولدى جاساپ شىعارىپتى. ولاردىڭ ايتۋىنشا، بۇل اپپاراتپەن ادامعا وپەراسيا جاساۋعا، حيميا، فيزيكانىڭ ادامعا ءقاۋىپتى سالالارىندا، سونىمەن قاتار قاۋىپسىزدىك قىزمەتىندە كوپتەگەن جۇمىس اتقارۋعا بولادى. «اقش-تا بۇنداي ديەۆايستار شامامەن 2000-3000$ تۇرسا، بىزدىكى بار-جوعى 100$ عانا» دەيدى قوس دارىن. قولدىڭ قالاي جۇمىس جاسايتىنىن بەينەدەن كورىڭىز.
نۇرگەلدى ءابدىعاني ۇلى
پىكىر قالدىرۋ