"استانا" كومانداسىنىڭ جارتىلاي قورعاۋشىسى جانە فۋتبولدان قازاقستان قۇراماسىنىڭ ويىنشىسى ۇلان قونىسبايەۆتىڭ سۇيىكتىسى Instagram جەلىسىن جاۋلاپ الدى. قازىرگى ۋاقىتتا ونىڭ 53 مىڭنان استام جازىلۋشىسى بار. سالىستىرا كەتەيىك، قازاقستاننىڭ بۇل جەلىدەگى ەڭ تانىمال فۋتبولشىسى المير ءمۇحيتدينوۆتىڭ 18 مىڭ عانا فوللوۆەرى بار، ال ۇلان قونىسبايەۆقا 6871 ادام جازىلعان، سامات سماقوۆ پەن باۋىرجان يسلامحاننىڭ 9 مىڭنان استام جازىلۋشىلارى بار.

بوتاگوز بالابەكوۆا جايلى مالىمەت از. ونىڭ ۇلان قونىسبايەۆپەن كەزدەسىپ جۇرگەنىنە ەكى جىلدان استى - جاس جۇپتىڭ ءبىرىنشى رەت بىرگە ءتۇسىپ شىعارعان سۋرەتتەرى 2012 جىلدىڭ سوڭىندا پايدا بولعان ەدى، - دەپ حابارلايدى Vesti.kz. سونىمەن قاتار، بويجەتكەننىڭ Ask.fm جەلىسىندە دە اككاۋنتى بار، وعان وسىندا سۇراق قويۋعا بولادى. قىز ءوزىنىڭ 20 جاستا ەكەنىن كورسەتىپتى.