جول پوليسياسىنا 1000 تەڭگە پارا بەرگەنى ءۇشىن جۇرگىزۋشىگە 400 مىڭ تەڭگەگە جۋىق ايىپپۇل سالىندى. بۇل تۋرالى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى حابارلادى.

سونىمەن، جامبىل وبلىسى قورداي اۋدانى بويىنشا اۋدانارالىق قۇرىلىمى بويىنشا اۋداننىڭ 26 جاسار تۇرعىنىنا قاتىستى اكىمشىلىك قۇقىق بۇزۋشىلىق تۋرالى كودەكسى بويىنشا 676-بابىنا سايكەس اكىمشىلىك قۇقىقبۇزۋشىلىق انىقتالدى.

اتاپ ايتقاندا، بۇل تۇرعىدا “جەكە تۇلعالاردىڭ مەملەكەتتiك فۋنكسيالاردى ورىنداۋعا ۋاكiلەتتiك بەرىلگەن تۇلعالارعا نەمەسە ولارعا تەڭەستiرiلگەن تۇلعالارعا زاڭسىز ماتەريالدىق سىياقى، سىيلىقتار، جەڭiلدiكتەر بەرۋi نە قىزمەتتەر كورسەتۋى، ەگەر بۇل ارەكەتتەردە قىلمىستىق جازالاناتىن ىس-ارەكەت بەلگiلەرi بولماسا، – ەكى ءجۇز ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى”.

اكىمشىلىك جاۋاپكەرشىلىكتەن جالتارۋ ءۇشىن قۇقىقبۇزۋشى قورداي اۋداندىق ءىىب قىزمەتكەرىنە 1000 تەڭگە كولەمىندە اقشالاي سىيلىق ۇسىنعان.

قورداي اۋداندىق سوتىنىڭ قاۋلىسىمەن قۇقىقبۇزۋشى اكىمشىلىك جاۋاپكەرشىلىككە تارتىلىپ، 200 ايلىق ەسەپتىك كورسەتكىش كولەمىندە 396 400 تەڭگە ايىپپۇل سالىندى. سوت ماجىلىسىندە كىنالى ءوز قاتەلىگىن تولىقتاي مويىنداپ، جىبەرگەن قاتەلىگى ءۇشىن وكىنىشىن ءبىلدىردى.

ايتا كەتەيىك، جامبىل وبلىسىنىڭ سىبايلاس جەمقورلىققا قارسى قىزمەتىمەن 2015 جىلدىڭ 1 توقسانىندا 6 اكىمشىلىك قۇقىقبۇزۋشىلىق انىقتالدى. ونىڭ ىشىندە تورتەۋى سىبايلاس جەمقورلىق سيپاتىندا.