YouTube سايتىن جاساۋشىلار بەينەجازبانى ىزدەۋ ءۇشىن تىلدەر ءتىزىمىن كەڭەيتتى. ۆيدەوحوستينگ قىزمەتىن ۇسىناتىن ينتەرنەت-سەرۆيس الەمدىك تىلدەر قاتارىن تاعى 15 تىلمەن تولىقتىرىپ وتىر، ونىڭ ىشىندە قازاق ءتىلى دە بار.
«Google كومپانياسىنىڭ ينتەرنەت-سەرۆيسى –YouTube تاعى 15 تىلمەن تولىعىپ وتىر، ناتيجەسىندە سايت الەمنىڭ 76 تىلىندە قولجەتىمدى»،- دەپ اتاپ ءوتتى سايتتى جاساۋشىلار.
بۇگىندە اتالعان سايت عالامتور پايدالانۋشىلاردىڭ 95%-ىن قامتيدى. بۇل جولى قوسىلعان 15 ءتىلدىڭ ءتىزىمى: قازاق، ازەربايجان، ارميان، بيرمان، گرۋزين، كحمەر، قىرعىز، لاوس، ماكەدون، موڭعول، نەپال، پەندجابي، سينگال، البان، وزبەك تىلدەرى.
ەستەرىڭىزگە سالىپ وتسەك، وتكەن جىلدىڭ جەلتوقسانىندا قازاق ءتىلى اتاقتى Google Translate جۇيەسىنە ەنگىزىلگەن ەدى. ەكى جىل بۇرىن «Wikibilim» قوعامدىق قورى قازاق ءتىلىن جاھاندىق Google Translate اۋدارما سەرۆيسىنە ەنگىزۋ بويىنشا جوبانى ىسكە قوسقان بولاتىن.
BNews.kz
