اقتوبە وبلىسىنىڭ اكىمى بەردىبەك ساپاربايەۆ وبلىستىق جانە قالالىق اسكەرگە شاقىرۋ پۋنكتتەرىندە بولدى.

قورعانىس ىستەرى جونىندەگى دەپارتامەنتتىڭ باستىعى، پولكوۆنيك سەيتكەرىم اراپبايەۆ ءوڭىر باسشىسىن جەدەل اسكەري قىزمەت جۇمىسىنىڭ ۇيىمداستىرىلۋىمەن جانە جينالۋ پۋنكتىنىڭ ماتەريالدىق-تەحنيكالىق قامتاماسىز ەتىلۋىمەن تانىستىردى.بەردىبەك ساپاربايەۆ الماتى قالاسىنا اسكەري بورىشىن وتەۋگە كەتىپ بارا جاتقان اسكەرگە شاقىرىلعاندارمەن اڭگىمەلەستى.

* وتانعا قىزمەت ەتۋ – ءاربىر ازاماتتىڭ قاسيەتتى پارىزى. كەلەسى جىلى سىزدەر قارۋلى كۇشتەر قاتارىندا قىزمەت ەتەسىزدەر، ودان سىزدەر ابىرويمەن وتۋلەرىڭىز كەرەك. ومىردە ەڭ باستىسى – ءبىلىم الۋعا ۇمتىلىپ، ەلىمىزدىڭ ءتىرتىبى مەن زاڭىن ساقتاۋ كەرەك. ول ءۇشىن مەملەكەت بارلىق جاعدايدى جاساپ جاتىر. سىزدەر جاسسىزدار، ءبارى الدا. سىزدەرگە جارقىن بولاشاق تىلەيمىن،- دەدى وبلىس اكىمى.

ءوڭىر باسشىسى سونداي-اق، توتەنشە جاعدايلار دەپارتامەنتىنىڭ وڭىرلىك وقۋ ورتالىعىندا دا بولدى. مۇندا جىل سايىن رەسپۋبليكا بويىنشا 600-گە تارتا ءورت ءسوندىرۋشى، قۇتقارۋشى جانە سۇڭگۋىر دايىندايدى. ورتالىق زاماناۋي وقۋ جاتتىعۋ قۇرىلعىلارىمەن، ادەبيەتپەن جانە وقىتۋشىلار قۇرامىمەن تولىقتاي جاساقتالعان.