اتىراۋ قالاسىنىڭ قوس بىردەي تۇرعىنى الەۋمەتتىك جەلىدە تەرروريزمدى ناسيحاتتاعانى ءۇشىن قاماۋعا الىندى.  بۇل تۋرالى "قامشى" پورتالى "Times.kz"-كە سىلتەمە جاساي وتىرىپ حابارلايدى.

قاماۋعا الىنعان قوس بىردەي ازامات تەرگەۋ بارىسىندا وزدەرىنىڭ الەۋمەتتىك جەلىلەرىندە سيرياداعى يشيم سودىرلارى ساپىنا قوسىلۋعا نيەتتى ەكەندىكتەرىن جانە وزگە دە دوستارىن سوعان ۇگىتتەگەندەرىن مويىنداعان.

اتىلمىش ىسكە قاتىستى اتىراۋ وبلىستىق مامانداندىرىلعان اۋدان ارالىق سوتى كۇدىكتى دەپ تانىلعان قوس ازاماتتى قىلمىستىق جاۋاپقا تارتىپ، باس بوستاندىقتارىنان ايىرۋ تۋرالى شەشىم شىعارعان. قاماۋعا الىنعانداردىڭ بىرەۋى  كامەلەت جاسقا تولماعاندىقتان ارنايى كولونياعا جىبەرۋ تۋرالى ۇيعارىمعا كەلگەن. اتىراۋ وبلىستىق سوتى باسپاسوز-قىزمەتىنىڭ مالەمەتىنە سۇيەنسەك، قاماۋعا الىنعان ازاماتتار الەۋمەتتىك جەلىلەردە قازاقستاندىقتاردى يشيم ساپىنا قوسىلۋعا ۇندەپ، جيھادقا شاقىرعان.

"ايپتالۋشىلار ق ر قىلمىستىق كودەكسىنىڭ 233-1 بابىنىڭ 2 تارماعى بويىنشا، ياعني ق ر اۋماعىندا تەرروريزمدى نەمەسە ەكستريميزمدى ناسيحاتتاۋ، تەررورلىق نەمەسە ەكستريميستىك اكتىلەر جاساۋعا ۇگىتتەۋ ارەكەتتەرىن جاساعاندارى ءۇشىن كىنالى دەپ تابىلعان. سوت بارىسىندا ايىپتالۋشىلاردىڭ ەكەۋى دە وزدەرىنىڭ كىنالارىن تولىقتاي مويىنداعان. ولار يشيم قۇرىلعانىن ەستىپ، سيرياداعى شايقاستارعا قاتىسۋ ءۇشىن، سيرياعا اتتانباقشى بولعان جانە وزدەرىنىڭ تانىستارىن دا ۇگىتتەگەن. ءتىپتى، ايىپتالۋشىلاردىڭ ەرەسەگى ءوزىنىڭ يشيم سودىرلارىمەن بايلانىس ورناتقانىن، تىكەلەي تەلەفون ارقىلى حابارلاسىپ تۇرعانىن دا ايتقان"،-دەيدى سوت ءتوراعاسى.

ال كامەلەت جاسقا تولماعان، ايىپتالۋشى، يشيم تۋرالى ءبىرز اقپاراتتارعا قانىق بولعانىن، ولاردىڭ ۆيدەو روليكتەرىن كورىپ، ءتىپتى ولاردى ءوزىنىڭ الەۋمەتتىك جەلىلەرىندە تاراتقانىن سوت وتىرىسىندا ايتقان.

سوت شەشىمىمەن ايىپتالۋشىلاردىڭ ءار قايسىسى 5 جىلعا باس بوستاندىقتارىنان ايىرىلعان. ايىپتالۋشى(ۇلكەنى) تۇزەتۋ كولونياسىنا جىبەرىلسە، كامەلەت جاسقا تولماعان بالا ارنايى تارتىپتىك كولونياسىنا جىبەرىلگەن.

نۇرزات توعجان