13 ءساۋىر كۇنى قىرعىزستان استاناسى بىشكەك قالاسىندا الكوگولدى ىشىمدىككە سىلقيا تويىپ العان 35 جاستاعى ەر ازامات 4 جاستاعى قىزدى زورلاعان. قىرعىزستاندىق "كابارلار.ورگ" سايتى حابارلايدى.

قىرعىزستاندىق رەسمي ب ا ق - ما شييبب-نىڭ باسپا ءسوز قىزمەتىنىڭ مالىمەتىنە سۇيەنسەك، جانتۇرشىگەرلىك وقيعا 13 ءساۋىر كۇنى كەشكى 19:30 شاماسىندا بىشكەك قالالىق اۆتو بەكەتتىڭ باتىس بولىگىندە ورنالاسقان تۇرعىن ۇيلەردىڭ بىرىندە بولعان. تانىستارىنىڭ ۇيىنە قوناققا كەلگەن 25-35 جاس ارالىعىنداعى 3 ەر ازامات داستارحان باسىندا الكوگولدىك ىشىمدىككە سىلقيا تويىپ الادى. وتىرىس سوڭىندا قاتتى ماسايىپ قالعان جىگىتتەر توبەلەس شىعارىپ، ارتى داۋ-دامايعا ۇلاسقان. ماسەلەنى ءۇيدىڭ سىرتىندا شەشپەك بولىپ، بارلىعى دالاعا شىعىپ كەتكەندە، قوناقتاردىڭ بىرەۋى ۇيدە قالىپ قويادى. 35 جاستاعى ەر ازامات جاتىن بولمەدە ۇيىقتاپ جاتقان 4 جاسار قىزدى الداپ، "اكەڭدى ميليسيا الىپ كەتتى، ءجۇر" دەپ بەيتانىس جاققا ۇرلاپ اكەتكەن. ال داۋ تارقاعان كەزدە قىزدىڭ اتا-اناسى ۇيدەگى قىزى مەن قوناقتى تاپپاي قالادى دا، دەرەۋ قۇقىق قورعاۋ ورگاندارىنا حابارلايدى. ال قۇقىق قورعاۋ قىزمەتكەرلى جوعالعان قىزدىڭ ءولى دەنەسىن ەرتەسى تاڭەرتەڭ سول ماڭايداعى كوشەلەردىڭ بىرىنەن تاپقان. 4 جاسار قىزدىڭ دەنەسىنە جاسالعان ساراپتاما قورىتىندىسى، ءمايىتتىڭ جان تاپسىرماس بۇرىن اۋىر سوققى العانىن جانە زورلانعانىن كورسەتكەن. ءقازىر اتالمىش وقيعاعا كۇدىكتى دەگەن ازامات تۇتقىندالىپ، ۇستىنەن قىلمىستىق ءىس قوزعالعان.

نۇرزات توعجان